Pelesiran saiki memang mandan beda karo biasanè kerna lumayan adoh lan nembe mbanget ngadeg nang wilayah Jawa Timur. Ora nyangka bisa dolan meng Jawa Timur biasanè nek pelesiran pesti meng kulon terus kaya Banten, Jakarta, Kepulauan Seribu atawa wilayah Sumatra. Janjané pelesiran gie khusus kur manjat gunung Semeru tok kur lumayan nduweni wektu mandan akeh kira - kira setengah dina (12 jam) daripada meneng nungguni sepur Matarmaja sing jadwal mangkaté jam 5.
Rencana memang akeh kur mikir-mikir ko wektuné koh sipet yah?!. Sing maunè arep meng Kota Batu ora sida sing akhiré kur madang bakso President. Bakso President gie tempaté unik tur mbahayani kerna pinggir mbanget karo rel sepur. Bayangna nek misalé ana sepur liwat jan brisik ya medeni hehehe. Warung bakso gie memang wis sering mlebu tipi pestiné akeh artis kang Jakarta wis pernah madang nang warung bakso gie, pencen ora nglembo poto - poto artis Jakarta sing pernah madang dipajang nang dabag - dabag warung dadi hiasan lan dadi pemikat wong men bisa madang nang warung bakso gue. Jerè ilatku sajian bakso nang warung bakso President sing paling istimewa kur bakso bakar (nilai bintang 5) gurih tur mantak wong kemlecer nek bakso kuah nang rasa ilatku biasa banget ra ana rasa khas.
Bar dzuhur ora ana rencana liannè kerna wedhi mbok ketinggalan sepur dadi langsung bae meng stasiun Malang sing lokasinè madan adoh kang warung bakso President ya kira - kira 15 menit adohè. Jog stasiun Malang ora bisa langsung chek in tapi nunggu nang taman alun-alun. Lumayan bosen nunggu Enyong ana inisiatif mlaku - mlaku sekitar pusat kota Malang. Kur wong 3 tok sing mlaku - mlaku muter alun-alun Malang, mimiti kang kantor walikota, taman pinggir kali (kelalen jenengané) sing pasti taman gue ana khewan - khewan sing dikurung bisa disebut kebon binatang cilik selain gue tamané ana kolam renang, bis tingkat sing jam operasiné kur dina ahad.
Takon lokasi alun-alun karo masjid meng bocah sekolah sing liwat, alhamdulillah diwai ngerti. Lumayan mlaku adoh nemu pasar manuk sing unik kerna akeh manuk - manuk sing ora biasanè. Kota Malang memang unik kerna kaya kota tua sing akeh warisan bangunan jaman Belanda ora kur bangunan gereja, tapi sebangsa hotel, umah - umah khas indisch, warung es krim sing legendaris "warung es krim Oen " sing njeroné luar biasa disulap kaya pelayanan zaman penjajahan, pelayané nganggo klambi putih - putih khas kaya jongos jaman penjajahan. Kerna khas jaman penjajahan paling ora ana pelayané sing bisa basa Belanda nek ora basa Inggris.
Masjid Jami Kota Malang karo gereja pinggiré dadi lambang harmonisé umat beragama nang kota Malang. Mandan mirip kaya masjid Istiqlal karo Kathedral nang Jakarta. Alun-alun Malang memang tempat sing "hits" go para pemuda soalé ana tempat sing bisa go eksis terutama ana tulisan "Aloon - aloon kota Malang" selain gue ana uga lukisan gambar cewiwi (sayap), ana lukisan kuda, lan uga gambar wong salaman. Ora puas memang nek pelesiran kur seliwatan. Ya moga - moga bisa mampir maning.
 |
| Alay karo Arni putri Solo |
Komentar