Enyong teka maning gieh lur.... Wis suwe yah ora gawe artikel nganggo bahasa Jawa. Maklum wis mandan mumet soal keuripan, dadhi jarang nulis blog. Siki enyong arep ngomongna soal pengingget-inget khususè go acara hajatan.
Biasanè nang kampung ku nek ana wong hajat, arep hajat gedhean atawa hajat cilikan pastinè ngadhang (menanak nasi) nang umah. Bedakna ya antara ngadhang gawe sega karo ngadang (menghadang), gadang-gadang wong. Ngadhang sega nang hajatan biasanè tangga-tangga umah nek ora nyeluk wong sing bisa ngadhang jumlah akeh.
 |
| Tanda Adhangan |
Nengapa ngadhang nang umahè dewek? Wong sing urip nang desa gue sugih dunya khususè soal pangan (pari), biasanè wong nang desa paling ora nduwe sawah sekotak atawa lewih kang sekotak sawah. Saking akehè pari karo rega pari sing murah dadhi wong desa sing arep hajat ora ngundang catering tapi ngadhang dewek.
Hajatan gue udhu hal sing gampang utamanè njamu karo aweh berkat. Berkat sing biasanè ingsi sega, lawuh daging karo janganan. Sekang isi berkat sing paling akeh digawe yague sega. Dadhi wong sing adhang kudu gawe akeh sega karo bisa ngukur akeh oranè sega sing arep diadhang.
Beras sing diadhang kudu di-itung men jelas nthek piranè. Lewih-lewih beras ulih sekang utangan. Itungan beras sing didhang gue biasanè ditulis nang saka umah, ditulis udhu karo angka, tapi garisan putih sekang cap jriji (jari). Cap jriji gue digawe sekang tepung atawa enjet (kapur), dicapna njalur meng ngingsor.
Kenengapa dicapna nang saka ora dicatet nang buku? Dicapna nang saka tulih men inget karo men ora ilang catetanè, khawatirè nek dicatet nang buku mbok bukunè ilang atawa kebakar.
Siki wis beda bagunan umah dadhi wong Jawa wis ora ngecap jriji nang saka go nandakna ngadhang ping pira nang hajatan.
Komentar