Plesiran keluarga memang cukup angel lewih-lewih ngumpulna sakabeh keluarga. Angel pancen kecuali dina lebaran atawa pasa ana acara hajatan nembe pada kumpul. Siki alhamdulillah keluargaku ngumpul karo plesiran meng Baturaden, ya walaupun kur loro keluarga tok. Maklum bae mobile anu cilik dadi kur nyukup wong wolu tok.
Ceritanè kakangè (anakè uwanè) ngajak dolan meng Baturaden pas tanggal 17 Agustus, aku sing paham Baturaden wis pesti didadikna penunjuk jalan. Maklum bae kakangku gue anu jarang dolan meng wilayah Jawa Tengah dadi ra apal dalan-dalan meng Baturaden. Janeh aja ngomong dalan adoh meng Baturaden, wong kiri karo kanan gè kakangku kadang ra paham. Jan gemblung banget mbok nek wong ra paham kiri karo kanan. Rong minggu wingi agi njujugna ponakan meng UGD dewekè babar blas ra paham maring kotanè dewek, rep balik kang rumah sakit bingung, dituduhi kiri kanan ora paham hahahaha. Salah siji solusinè kur nganggo basa tangan alias basa isarat. Kerna aku sering landa-landaan otomatis dadi wong paling penting nek ana acara plesiran, pesti aku mangkat bae kon dadi tukang nuduhna dalan.
 |
| Wisata Nang Baturaden |
Seminggu lewih kang rencana guwe mau, siki giliran mangkatè sing pas karo tanggal kemerdekaan Indonesia, 17 Agustus 2019. Isuk-isuk sekitar jam setengah enem mangkat, dalan pertama nganggo jalur Pamarican-Banjar, diterusna sampe tekan Langen maju terus ngalor tekan Desa Madura. Jebul dalan nasional, ngetan terus tekan Wangon, nembe ngelor maning meng Ajibarang. Nang pinggiran Purwokerto kesasar dalan cilik, janeh anu jalan alternative tapi Kakangè geger ndarani aku salah dalan. Sauwise kesasar tinggal lurus ngalor, nembe jog tekan Baturaden. Nang perjalanan ngentekna wektu kurang lewih telung jam-an.
Alhamdulillah segala perduitan, pertiketan, permlebuan, permadangan digratisi nang kakangè. Jan aku nembe siki ora metu duit pisan, pokokè gratis-tis-tis sampe tekan balik umah nang Banjar. Awal mlebu meng Baturaden langsung ngelar klasa pinggir kalen, kalen gue jan banyunè bening banget, beda karo banyu sing nang sumurku. Wangi bumbu sambel sing digawa nang yayuku mlebu gorong-gorong irung, rasanè gawe banyu idu metu glasar-gleser. Bar madhang-madhang langsung poto-poto nang air mancur, adus-dusan nang kolam renang, ngempani iwak karo dolanan prau soang.
 |
| Wektunè Madhang-madhang |
Aku ra suwe nang Baturaden, kur cukup pirang jam tok janeh, tapi alhamdulillah puas. Kira-kira jam siji awan aku karo kakangè balik, siki balikè lewat Patikaraja-Wangon, bar Wangon menggok kiri mlebu jalur Cilacap sampe tekan Kubangkangkung lurus terus mentok Sidareja. Nah nang kene kakangku milih dalan Kalipucang! Muter adoh banget...
Hapeku ket mau moni bae, Iman kanca kang Tasikmalaya arep nginep enggonku. Syukur alhamdulillah dewekè gelem nunggu aku. Jog umah dewekè wis ana nang pertelon edhek Blok Asem (pinggir warungè Mbah Darmo). Ya wuis gue ceritaku pitulasan nang Baturaden, sampeyan nduwe cerita apa?
Komentar