Cirebon Sedina Sewengi Thok

Suwe absen kang blog gie.  Rasané mandan kangen turun mandan kodol otaké kerna suwe ra nulis. Ceritané ra bisa berkhayal go nulis narasi blog.  Aktivitas puskesmas memang mandan sibuk tur ora teratur dadi sakabeh kerjaan sing ra penting kaya nulis blog malah keliwatan. Tanggal 18 Mei 2017 wingi enyong mandan mumet soal dina liburan sing dawa tapi ra nduwe acara liburan.  Ana sponsor kang kancané tapi kur ngomong tok dadi batal meng Jogja. Ra mikir suwe kota Cirebon dadi destinasi pilihan go liburan 3 dina.

Beranda Keraton kacirebonan

Ternyata nduwéni motor dewek memang lewih leluasa gole dolan. Asal kuat awak nang dalan ya bisa ngejog meng endi - endi. Ongkos plesiran lewih hemat kenimbang nganggo angkutan umum.  Plesiran meng Cirebon wingi kur enthek bensin 7 liter pertamax.  Lumayan adoh uga jarak Banjar - Cirebon dadi lumrah enthek 7 liter bolak balik Banjar - Cirebon. Upeti gula semut karo gula aren wis disediakna sakit durungé mangkat.  Wis disiapna kerna go wong sing lumayan istimewa.  Ya batir kuliah sing sering tek tipu bae. Lewih kang 5 taun aku nipu rep dolan meng Cirebon tapi ra sida - sida sampe deweké ra percaya yen aku rep ngonoh siki.

Gamelan Keramat Keraton Kacirebonan

Mangkat jam 8 esuk kang umah.  Ora tau taugé rep mangkat meng Cirebon ana rasa kaya bocah cilik kebelet plesiran.  Sampeka ra doyan madang padahal biasané ora.  Perkiraan teka Cirebon jam 12 awan ya kira kira enthek 4 jam perjalanan.  Lumayan adoh memang ngliwati 4 Kabupaten Kota (Banjar, Ciamis,  Majalengka,  Kuningan). Kang umah ra ngawa bekel panganan saipet - saipet ta kur gawa upeti gula semut karo gula aren tok.  Dadi nang dalan pas kencot kudu minggir goleti warung. Kur pindo aku liren, pertama nang wilayah sekitar perbatasan Ciamis - Majalengka. Liren kerna wis kencot rung madang karo nginum,  ke loro liren nang pom bensin Cikijing, Majalengka.  Sak uwisé liren nang pom bensin blas tekan Cirebon ra liren walaupun wis kencot. Ora kerna alasan ngirit enyong ra mandeg pas kencot tapi memang pengin cepet tekan Cirebon, nah nek wis tekan kan bisa madang panganan khas Cirebonan.

Jenengané usaha memang apa bae bisa dikerjakna walaupun mandan ora mlebu pikiran/logika misalé waè kaya pas nembe jog Cirebon tepaté nang lingkungan Stasiun Cirebon Prunjakan. Takon dalan meng Keraton Kecirebonan malah kon munggah becaké padahal enyong nganggo motor dewek.  Jan jan jan bisnis memang yah.

Keraton Kecirebonan

Ternyata keraton kecirebonan ra adoh kang stasiun Prunjakan. Alhamdulillah esih ana wong sing apik aring aku nidokna dalan meng Keraton Kecirebonan.  Pertama sing tek tekani keraton kecirebonan sing ana nang dalan Pulasaran. Jan memang nek nembe pertama ngunjungi keraton nang Cirebon mandan mumet goletiné soalé keraton ora kedeleng jelas, langka papan jenengané tur keraton ra nduwéni pelataran sing amba.  Beda wilayah beda maning sejarah lang budayané antara Solo karo Jogja sing nduwéni pelataran keraton sing amba. 

Lembayung Cirebon

Pelataran go parkir nang ngarep keraton bisa nampung kira kira 5 bis. Nek motor bisa uga parkir nang njero wilayah keraton, pedhek restoran atasan ruang informasi keraton. Wisatawan sing arep mlebu dikarcis kur 10.000 Rupiah tok go ndeleng - ndeleng koleksi keraton. Nang pusat informasi keraton akeh benda - benda seni misalé bae kaya topeng - topeng, lukisan,  banner silsilah penguasa keraton kecirebonan,  bedug gede lan barang - barang liané. Sebelah kanan bagunan informasi ana bangunan khusus go restoran khas panganan Cirebon, ketoné tah restoran mahal (ra mampir and keré).

Tiket wis dituku!  Gari mlebu meng bangunan inti keraton sing diideri karo benteng cet warna  putih, sebagian ana hiasan piring Cina sing ditempelna nang tembok benteng. Sing jenengané keraton pesti  nduwé aturan keamanan sing ketat dadi benteng digawe mandan duwur.  Pekarangan keraton lumayan mandan gede tur keton maen kerna akeh kembang sing agi mekar. 

Stasiun Cirebon

Esih pada bae Jawa. Arsitektur keraton kecirebonan nduwéni ciri mandan khas umah joglo. Beranda keraton diingsi karo bangku - bangku kang kayu lumayan akeh, kayaning gemien - gemiené anu go tempat musyawarah. Dabag - dabag keraton diingsi karo poto - poto sang raja kecirebonan selain gue ana hiasan khas Cirebonan.

Mlebu njero akeh koleksi sing dipampangna kaya gamelan keramat, klambi - klambi adat,  keris lan barang liané. Tempat memang akeh orané mempengaruhi budaya nang tempat gue, Cirebon sing lokasiné nang pesisir pantes bae nduwéni budaya sing madan beda karo sedulur jawa liané. Pengaruh Cina ya ana pengaruh Sunda lan Arab ya ana. Dadi memang bener unik. Nek jeréku mirip kaya budaya betawi.

Galeri budaya ana uga mang njero keraton. Sing nduwéni duit akeh iso tuku pernak - pernik budaya nang kono.  Galeriné lumayan akeh koleksiné uga maen - maen. Kerna ra duwe duit go bayar pemandu wong sapa bae nang enyong tak takoni termasuk wong enom sing agi mbukak komputer nang taman keraton.

Keraton Khanoman

Ora adoh kang Keraton Kecirebonan ana keraton Khanoman. Enyong kur mlaku - mlaku tok ra sampe mlebu keratoné.  Ketoné lewih sepi lan akeh calo sing mamgfaatna turis sing penasaran mlebu meng keraton. Mlaku - mlaku meng sekitar keraton wis gawe puas enyong mandengi megahé keraton Khanoman.

Salah siji sisi Keraton Khanoman

Keraton Kasepuhan

Keraton sing lumayan gede kang keraton liané nang Cirebon.  Sekitar 5-7 menit mlaku sekang Keraton Khanoman. Keraton gie nduwéni alun - alun amba tapi kur mandan ra apik kerna akeh tukang dagang sing nutupi alun - alun. Wektu kae lumayan rame sing pada ngunjungi Keraton Kasepuhan, keton kang pirang - pirang bis sing parkir lan wong sing pada ngantri mlebu meng njero keraton.

Pendopo Keraton Kasepuhan

Karcis mlebu njero keraton ternyata bisa ditawar. Enyong mlebu kur aweh Rp 10.000 padahal rega asli Rp 15.000.  Lumayan ngirit duit tapi tetep gie anu jalur sing ora apik!.  Keraton Kasepuhan sing jelas dadi icon umah tradisional provinsi Jawa Barat. Gerbang keraton sing khas Jawa Kuno berundak kaya bangunan candi. 

Kegiatan latihan nari topeng khas Cirebonan uga ditampilna!  Hal sing paling langka lan menarik go enyong! Lewih kang 10 menit ndeleng bocah cilik latihan ngibing. Lumayan gede keraton Kasepuhan gie ana pirang - pirang bangunan (ngapurané ra apalagi jenengan bangunané). Patung Singa dadi ciri kang keraton gie, selain gue ana lukisan Prabu Siliwangi sing digawe nganggo teknik sing beda.

Ketemu Dulur Lanang

Dulur lanang sing ra percaya enyong dolan meng Cirebon ra mbales - mbales SMS, telpon ya WA. Dadi mandan gregetan. Stress!  Go ngalihna stress, enyong nemoni kanca sing gelem nampung wong - wong backpacker. Enyong kenal deweké nang grup Backpacker Nusantara sekang Facebook. Nemoni nang mall kur 10 menitan kerna dulur lanang Deni wis metu kang kantoré. Alhamdulillah.

Dulur Lanang: Deni Nurochman

Mburu Panganan

Wis petuk karo dulur lanang siki giliran madang bareng.  Janji dulur lanang wis ditepati siki, nlaktir enyong panganan khas Cirebonan kaya sega jamblang, empal gentong,  lan panganan liané. Wareg madang dilanjutna meng pesisir lor Cirebon. Pesisir gie ra nduwéni ombak gede kaya ombak nang pesisir kidul.  Banyuné uga butek koyo banyu kali.  Lumayan akeh runtah nang pinggir pesisir. Lumayan indah nek srengengé mangslup rep turu.

Empal Gentong

Mlaku - mlaku Wengi

Ra ana tujuan jelas arep meng endi!  Dulur lanang ra pinter plesiran soalé. Bingung arep meng endi maning dadi keputusan siki nang dulur lanang sing nduwéni Cirebon. Pertama dolan meng kota tua Cirebon sing akeh bangunan tua khas Indische. Diterusna meng Mesjid Agung Cirebon go sembahyang magrib.

Nang Kota Tua Cirebon

Jan mbuh anu nengapa atiku ana rasa penak nang mesjid gue. Atiku nlitik! Ora disangaka ketemu maning karo wong enom sing nang taman keraton kecirebonan.  Wanikna go kenalan ternyata jenengané Umar Syaffa Ratu Aminah. Apik jenengané!  Beda kaya aku sing rakyat mlarat. Puas moto mesjid lan tugu Cirebon pindah meng kantor walikota Cirebon karo stasiun Cirebon. Wah bener -bener puas karo Cirebon!  Weteng wis kencot maning siki giliran nyicipi empal gentong!

Pelabuhan Cirebon

Ora akeh cerita maning kerna wis mandan mabok mikir kalimat sing maen! Kesimpulané akeh tempat kuliner lan tempat sing maen nang Cirebon.