Ujaré munggah gunung gue murah yah! Padahal mah larang banget nek jeréku sing wong ora duwe. Itung bae kang peralatané ge wis metukna duit akeh contoné tas gunung regané kira - kira 500K - 1M rupiah. Jelas ora ana sing murah. Tapi aja kaget tiap wong nduwéni hak go nanjak gunung sing murah. Pie carané? Jelasé ya nyelang - nyelang aring kancané karo mangkat bareng karo kanca sing nduwéni peralatan lengkap.
 |
| Pose Nang Puncak Ke 3 |
Gunung Guntur nang Garut dadi gunung ke loro sing tak munggaih sak uwisé gunung Semeru nang Jawa Timur. Gunung Guntur ora terlalu duwur kur sekitar lewih 2000 meter kang permukaan laut. Gunung gie jere wong - wong Semeruné Jawa Barat, ora salah juga wong nyebutna kerna track mirip Semeru akeh pasir karo watu krosok. Sing menarik Guntur gie nduwéni 5 puncrit. Jal pie gue nduwéni 5 puncrit apa ra bengkek gole manjat. Tantangan bisa go para pendaki.
Rencana meng gunung Guntur ra disangaka - sangka kerna wis sue grup WhatsApp Keluarga Semeru sepi informasi rencana nanjak gunung maning. Awal bulan April 2017 pengumuman rencana meng Guntur ana tapi formasi beda kang mauné. Ana wong anyar tapi tetep kang grup BPJ (Backpacker Jakarta). Nambah 2 wong tok yague mak Becki karo bang Hambali.
 |
| Nduwur: Lukman, Hambali, Gotit, Ambim. Ngingsor: Enyong, Beki |
Mangkat lewih awal kang batir Jakarta kerna perjalanan Banjar - Garut butuh waktu 3-4 jam dadi kagok nek aku mangkat terlalu isuk. Wedhi mbok dibegal nang dalan koh. Mending mangkat awal tapi aman go awaku ya go bendaku. Mangkat 24 jam lewih awal rasané nduwéni wektu akeh go santai - santai lan dolan - dolan sekitar Tasikmalaya lan Garut.
 |
| Pemandangan Pas Isuk Banget |
Nduwéni wektu akeh ora percuma diguang go turu apa kur ngobrol karo wong liané tapi nang aku tek enggo go dolan meng Situ Gede - Tasikmalaya. Situ Gede sebeneré edhek karo kampusku gemien kur gemien males dolan - dolan tur ditambah ra nduwéni kendaraan dewek. Ora mbahas lewih akeh soal Situ Gede soalé judul wis beda dadi kur sekilas wae ya.
Ketemu karo kanca - kanca sekang Jakarta mulai jam 9 wengi ana uga sing teka jam 11 wengi lan ana sing jam 2 wengi. Memang udu kang Jakarta kabeh tapi ana kang Bekasi, Purwakarta lan Bandung. Dadi tekané ra barengan. Sakabehan ana wong 5 yague mas Abim, Beki, Hambali, Gotit, Lukman lan aku dewek.
 |
| Pemandangan Pas Srengege Metu |
Persiapan logistik wis tek tuku kabeh mulai kang bumbu - bumbu sampe tekan krupuk, sakabehan enthek 75K lumayan murah yah. Sak durungé mangkat sarapan lontong sayur ndipit nang umahé sing nduwé basecamp.
Manjat
Jam 8 esuk wis mulai nanjak. Pertama - tama kesasar tekan 200 meter kang jalur pendakian alhamdulillah ana wong proyek sing nidokna. Jalur pertama ngilwati proyek tambang watu gunung jelas waè dalan kerikil kabeh sekitar sekilometer. Bar dalan krikil ganti karo dalan lemah biasa sampe tekan curug Citiis. Jan memang lumayan indah ndeleng curug Citiis gue.
 |
| Pose Karo Keluarga Batak |
Dalan becek kerna selang banyu pada bocor. Embuh disengaja apa pra soalé ana wong lokal sing kayanu pura - pura ngurug dalan terus njaluki duit 5K meng setiap kelompok pendaki. Nang edhek curug liren sedela nang warung go madang gorengan lan teh anget. Beki sing kemayu ket awal tekan warung ngomong bae kaya manuk sing lagi brahi. Tapi nek ra ngomong dadi ra ana hiburan. Sapa wae sing ketemu karo kelompokku ya nang Beki diglewehi wae. Beki memang istimewa go kelompokku kerna ngehibur wae ora ana ngeluh kesel atasan ngeluh liané.
 |
| Pose Nang Pos Ke 3 |
Jog pos 3 kira kira duhur jam 2. Pendaki sing gawe tenda ternyata akeh kayaning lewih kang 100 tenda. Milih sing mandan adoh kang wong - wong kerna wedhi ana bencoleng sing bisa ngondol barang - barangé pendaki. Guntur memang terkenal bencolengé. Tenda wis dadi tinggal masak, siki giliran aksiku gawe panganan. Tangga tenda ana wong Jakarta, kira - kira ana wong 7. Alhamdulillah tangga tenda apik, deweké mbagikna kopi lan panganan liané. Puji Tuhan yah!
 |
| Mak Beki karo Pegemis Foto (Rifky) |
Wengi ra ana kegiatan liané selain madang karo ndeleng pemandangan kuta Garut. Indah tenan! Sekitar jam 10 wengi udan lumayan deres. Aku setenda karo mas Abim lan Gotit. Kerna tenda ngadeg nang lemah sing miring dadi turu kadang nglundung wae hehehe.
Muncrit
Kerainen!!! Tangi jam setengah enem isuk. Jan telat banget. Walau telat manjat meng puncrit ra luntur semangat ku gole nanjak meng duwur. Awalé sakabeh anggota bareng ternyata nang tengah - tengah puncak siji Gotit, Abim, Lukman, Hambali istirahat suwe banget. Beki wis lunga adoh nang duwur. Sementara aku nang tengah - tengah mlaku karo pendaki liané.
 |
| Tangga Tenda |
Manjat memang bener - bener manjat sekitar 70-80 derajat kemiringané. Selain miring dalané bentuk pasir dadi sering mrosot. Jan nelak banget banyu nginum nang kanca - kanca maning. Men iso urip aku nginum kang embun sing nempel nang suket. Alhamdulillah seger! Tekan puncrit siji ketemu Beki sing lagi nunggu.
Kerna aku percaya yen sing liané ra gelem muncak kerna wis keawanen dadi aku manjat maning tekan puncak 2 lanjut puncak 3. Bar puncak 3 aku balik maning. Nang puncak 2 ketemu Becki lan mas Abim.
 |
| Pemandangan Nang Puncrit Ke Loro |
Mudun
Bar muncak tekan tenda sekitar jam 10 awan langsung bae beres - beres tenda siap siap balik umah. Sepanjang dalan alhamdulillah ra ana rintangan sing abot.
Komentar