Jèl sapa wongè sing ora duwe masa cilik (masa bocah) sakabeh wong nduwéni masa cilik kecuali deweké mati (ninggal) pas nembè lahiran nek ora pas seurungé lahir. Masa bocahéh wong gue dewek - dewek ana sing bahagia ya ana sing ngalangsani kaya pengényonga dewek ya ana nglansaniné ya ana bunggaéh. Nglansaniné dadi bocah gemien madang karo daging bisa keitung nang setahun gue. Nek Enyong dewek sih paling rong pisan (2x) pas nang dina Badan (Bada/lebaran) karo dina kurban (idul adha) jan gemien memang susah mbanget nek arep madang karo daging. Selain rong (2) dina gue bisa madang karo daging ya nek rama biyungé kondangan, ana slametan apa kenduren, nek ora lagi musim pithik lagi pada mriang (daripada mati mubah mending disembéleh). Jan parah banget ya gemien cilikanku. Selain masalah daging ana siji maning sing ésih kelingan nek tuku klambi kur pas Badan (lebaran) tok jal apa ora ngalangsani tuku klambi kur pas Badan tok. Janjanéh jaman gemien gue ekonomi urung semaén siki (siki apa apa ana) gemien tuku apa-apa mahal (jere wong gemien) nek jere wong siki murah soalé perbedaan inflasi karo rega dolar padahal mah pada bae. Nostalgia ke sengsaraan wis gipi tinggal ngomongi kebungahaan.
 |
| Pesawahan Kubangpari |
Kebungahaan masa ciliké Enyong sih udu krena sandang pangan tapi krena dolan sedina med (sehari penuh) tiap ana apa - apa ya nyanyi (beda nyanyiané karo bocah siki) ana sing kalah dolanan ya dinyanyini, ana entung (kepompong) dinyanyini pokoké kabehan dinyanyini. Nah karo nginget - nginget tembangané bocah gemien nang aku tek sebutna ya siji - siji:
1. Nek ana sing kalah nang dolanan
Tet toet bedogol gedhang cina ngopét njaluk madang, madangé sega loyang lawuhé tembelék abang.
2. Nek ana atawa nemu entung (kepongpong pohon pisang) nyanyine karo njekeli entung.
Tek enthung ndi lor ndi kidul tek enthung ndi lor ndi kidul...... X3 sampe enthungé mati
3. Nek janji apa sumpah (biasané karo ngacungna tangan nek ora nyakot jriji).
Cup ndul- ndul matiné nang gunung kidul dibukak mbang srunthul.
Sebeneré akeh banget tembangané bocah gemien kur kelalen maning, ya sapa wongè sing maca nduwéni tembangan sing ésih diinget aja ragu tulis bae. Sing tek arepna nang Enyong sebeneré bocah - bocah siki bisa sebahagia bocah gemien nang urusan dolanan sebab siki bocah - bocah nek ora nang ngarep TIPI ya njekeli HaPe. Ya wis tulisanku tekan kene gipit.
Komentar