Cina
Mandan ana rasa SARA kesukuan karo rasa ora seneng antar suku. Memang nek krungu 'cina' sing pasti mentuné keelekan padahal sejatiné akeh keapikané ora kang budayané tok tapi kang wong - wongé uga maen.
Acara Cap Gomeh taun 2016 dadi awal perkenalan budaya Cina sing memang suwe ora dikenalna maring masyarakat Indonesia kerna masalah sing terlalu politik. Imlek dadi awal mula mbukaké kebebasan agama go wong Cina kerna sedurungé wong Cina kudu milih salah siji agama kang 5 agama resmi nang Indonesia walaupun kur nang tulisan KTP atawa nang dokumen negara sejatiné sedina - dina nyembah lan ngajaran agama Ko Hung Chu. Ora kur soal agama jenengan ge kon dirubah dadi jenengan sing ora ana mambu - mambu Cina misalé bae jenengané dadi Susi Susanti, Mochtar Riyadhi lan jenengan lainné sing ora ana mambu Cina, contoh cilik soal jenengan - jenengan sing kaya gue nang berita kematian atawa dukacita nang koran - koran biasané jenengan Cina nang tanda dalam kurung . Memang aturan jaman gemien soal wong Cina madan kenceng.
Glodok salah siji pecinan paling gedhe nang wilayah Jakarta dadhi tempat perayaan Cap Go Meh gedhe - gedhean ora kur kelas walikota sing hadir tapi kelas menteri sing hadir ora ana alesan lian kang kerna Indonesia lagi seneng nggarap pariwisatané lan karo ngrayakna kebebasan lan kedamaian antar suku budaya. Minggu 21 Februari 2016 jam 13:00 WIB teng arak - arakan dimulai. Ora kur wong Cina tok sing ndleng tapi sakabeh masyarakat sing penasaran maring acara gue ora ketang Ényong dewek sing adoh - adoh teka kang Bekasi karo sepupu sing nang Kalibata.
Sakabeh wong pada takon ana apa lan acara apa?! Kabeh heran kabeh kagum aring iring - iringan sing didominasi werna abang. Rasa kagum bocah - bocah ora ketulungan pinggir dalan wis mandan ora sanggup diidek nang sikil - sikil wong sing lagi ana rasa kagum meng acara gue sampe jembatan penyebaran full nang bocah - bocah sing pengin ndleng arak - arakan. Bendera merah putih gedhe (10-50 meter) sing digawa nang bocah PASKIBRA dadi pembuka lan pengawal acara iring - iringan Cap Gomeh. Mandan ana rasa bangga maring negri kelahiran apamaning jantung mandan glegepan jedar - jedor nang jero dada kerna ngringokna grup drumband. Rasa patriotisme kebakar sekabeh awak lan ati.
 |
| Cap Go Meh Festival - Glodok |
Atribut lan iring - iringan tema nasional paling ngarep disusul iring - iringan tema Cina khususé lambang - lambang sio (perlambang taun) perlambang taun siki yague monyet. Kera sakti dadi perlambang monyet sing ngoleti kitab meng ngulon lan kanoman si ketek putih sing memang kang budaya India tapi wis diadaptasi nang budaya Indonesia dadhi maskot utama. Iring - iringan corak Cina ana paling tengah utamané iring - iringan dewa kang sekabeh kelenteng kang Indonesia lan terakhir Reog Ponorogo.
Rasa kaget gie udu kur kang wong selian Cina tapi wong Cina dewek juga kaget. Pas Ényong moto - moto karo kamera kesayangan si KONKON D3200 ngringokna percakapan unik antara bapak anak lan nini soal masalah budaya lan agama. Langsung bae nang Ényong tek jabar - jeberna. Ana lewih kang 4 anggota keluarga sing ndleng cap gomeh gue tapi sing dadhi perhatianku antara 2 bocah cilik lanang wedhon, bapak karo ramané lan nininé (mbah).
Nini: "Putuku kabeh ayo sembayang nunduk maring dewa!!! Cepetan dewa arep teka!! ".
Putu Lanang: "Mbah aku gie wong katolik dadi arep kepriwe golé donga? ".
Nini: " Arep apa bae dongané asal koe donga aring dewa - dewa sing liwat ".
Putu Lanang: "Mbah aku ora bisa donga - donga go dewa dadi kepriwe? Aku katolik mbah aku bingung".
Wong tua lanang: "De donga bae sing penting donga".
Wong tua wedhon: "De sing penting Dewek respek bae arep donga apa ora sing penting respek".
Wong tua lanang: "Ya respek bener apa jere Mamamu".
Putu Lanang: "Mbah aku gie wong katolik dadi arep kepriwe golé donga? ".
Nini: " Arep apa bae dongané asal koe donga aring dewa - dewa sing liwat ".
Putu Lanang: "Mbah aku ora bisa donga - donga go dewa dadi kepriwe? Aku katolik mbah aku bingung".
Wong tua lanang: "De donga bae sing penting donga".
Wong tua wedhon: "De sing penting Dewek respek bae arep donga apa ora sing penting respek".
Wong tua lanang: "Ya respek bener apa jere Mamamu".
Omongan wis meng endi - endi Ényong wis ora merhatikna maning soalé lagi mandan sibuk karo si KONKON D3200 sing lagi ngincer atraksi budaya liané. Sekabeh nang alam dunya memang akeh warna akeh bentuk lan akeh akeh karo akeh liané sing mesti kudu dikagumi atawa kudu ana rasa respek, telosransi lan harmoni sing dadi marékna dunya gie subur makmur loh jinawi adem lan ayem.
Komentar