Awal kang tanggalan sing memang taun gie 2016 akeh sing abang lan kejepit - pit pas go mendukung usaha pemerentahan sing lagi gandrung promosikna "Wonderful Indonesia" atawa "Pesona Indonesia ". Prei kejepit biasané toll lan dalan - dalan umum nang wilayah JABODETABEK lan Bandung Raya pada macet saking akehé wong sing plesiran. Akses kendaraan, majunè ekonomi lan kepenakè informasi plesiran wis dadi barang sekunder nang wong Indonesia kadang ana sing nyebutna kebutuhan primer.
Mandan bingung antara milih munggah gunung Papandayan nang Garut apa arep balik meng Pamarican kumpul karo keluarga sing memang wis suwe ora pasa kumpul. Papandayan jan memang menarikè ngepol kerna nang kono Ényong lewih edhek karo kanca - kanca plesiran backpacker lan edhek karo alam sing khas pegunungan Garut mung ana sisi lain sing lewih marékna bahagia ya gue balik meng Pamarican, ketemu karo wong tua sakabeh dulur lan kanca - kanca apamaning alam Pamarican sing khas lewih menarik hati daripada lunga plesiran meng tempat lia. Balik lewih cepet setengah jam kang biasané dadhi pilihan go mburu bus Budimin jurusan Bekasi - Banjarsari sing biasané mangkat jam 8 wengi. Urung ana persiapan apa bae sing arep digawa meng Pamarican akhiré barang sing penting tok sing digawa ora kelalen Si KONKON D3200 digawa go ngabadikna segala sing indah.
 |
| Ngaliwet nang umahe bibi Siad - Sidamulih |
Mangkat teng jam 8 wengi alhamdulillah ulih bangku sing ésih lowong, ana bis tambahan kur memang larang mbanget sekitar 150K padahal sing normalé kur 95K ya alhamdulillah ngirit duit akeh. Sebangku karo wong sing arep balik meng Karangpucung aku mandan nyesel lan dosa kerna pas lagi mandeg nang omah madang jarku deweké lagi madang lan pas mangkat jarku pindah njagongé ternyata ketinggalan Ényong nembe inget pas bis maju lewih kang 100 meteran. Jan melasi mbanget. Ngapurani Ényong sing lali. Tekan Kertahayu ana maning wong sing kebablasan padahal wis ana pengumuman kang kernet bus pas.lagi nang Banjar tapi deweké turu kayaning.
Rasa bunggah ketemu keluarga terutama Mamané sing wis suwe mbanget ora ketemu, ngrasa isin sering lunga plesiran meng endi - endi tapi wong tua ora ditiliki jan durhaka mbanget ya Ényong gie. Cium pipi cium tangan krasa banget kerutan perjuangan - perjuangan wong tua go sakabeh anak, eluh netes nang pipi rasa bangga ketemu anak lanang sing sering lunga. Rasa sing sering dilakoni setiap ketemu karo wong tua tetep dadhi istimewa kerna doa sing mujarab kang wong tua. Ora suwe ketemu dulur lanang sing paling edhek; Zaenudin Ahsan.
Nareni plesiran meng Rylo tapi deweké ésih bingung kerna memang ana.janji karo kanca spesialé sing nang Ciparakan akhiré rencana nginep nang Mekarmulya lan plesiran meng laut kidul Jawa Kulon karo Zaenal Mustofa. Ngapurané Mama kur 4 jam tok nang umah. Padahal wis pernah lewih kang 5 kali golé meng umahé Bibiné tapi ora apal dalan bae sampe kesasar tekan 5 kali ya maklum dalan sipet tapi akeh wit - witan jadi pangling. Sing lucu pas kesasar takon aring wong wedhon sing tes pengajian ternyata deweké Bi Juju dulur adohé Bibiku hehehehe. Tekan umah langsung disuguhi manggis sing memang lagi musim nang wilayah pegunungan Geger Bentang - Pamarican, alhamdulillah ngrasakna maning manggis kang tempat sing asri. Ninggalna Jemuahan sekali tok kerna rasa riskant karo kesel sing luar biasa dadhi sembayang dzuhur bae nang umah bar madang langsung meng curug tengah sawah lan curug ngingsor sawah (waca nang edisi spesial) kumkum kur setengah jam tok nang curug tengah sawah diterusna kumkum lewih kang sejam nang curug ngingsor sawah. Lumayan dadhi pikiran tenang lan jiwa dadi adem.
Muter dalan kesasar ora adoh lan kaget kerna anjing sing ngonggong terus dadhi cerita dewek nang setiap otak. Awan klawu terus menggumpal wis ora aneh nek siki ésih musim udan senajan wis wulan Maret sing jere udan wis ret..retan alias wis mandan kurang udanè. Kon ngepet (memetik) dengan klapa gading alias klapa kuning mandan riskant tapi ijig - ijig bibiné ngepetna ya wis dipangan, pas lagi njiot klapa nang ngingsor jan Zaenal ulih duren sing wis dikrokoti nang musang tapi ana sih separo sing ésih wutuh alhamdulillah bisa dipangan lan rasané luar biasa enak.
Ora krasa atis sing ana rasa gerah ora kaya biasané hawa nang gunung dadi gerah biasané Ényong wis ora betah nang umahé Bibi kerna hawa atis sing luar biasa. Bar adus langsung ipit - ipitilir kedewar - kedewir manggang iwak emas apa iwak apa mbuh Ényong wis kelalen jenengan - jenengan iwak banyu tawar. Alhamdulillah sepupu karo bojoné ngawekna iwak bakar sing luar biasa enaké apa maning kebersamaan keluarga sing ora ana tandingané.
TURU.
Komentar