Ora ana kendaraan umum sing meng wilayah Mekarmulya wilayah ex kang desa Sidamulih kecamatan Pamarican Kabupaten Ciamis sing ana memang kendaraan pribadi bisa motor bisa mobil kolbak sing digawe mirip angkutan umum ngan kur ora saban dina anané. Biasané kur ana pas nang dina pasaran yague dina Ahad lan dina Rebo (dina pasaran nang Pamarican) wajar nek umumé wong Mekarmulya atawa wilayah sekitar desa Sidamulih akeh sing duweni motor arep motor omprengan nek ora motor sing maen.
Saking jarangé wong sing urip nang Mekarmulya atawa Limus Dua sampe ora ana kendaraan sejenis angkot atawa koprades sing operasi nang wilayah pegunungan gue walaupun langka wong sing nang kono kemajuan ekonomi perorangan atawa tingkat kesejahteraan lewih duwur. Sakabeh wong nduwéni motor, umah maen lan nduwéni tanah amba, tingkat wong sing naik haji lewih akeh lan tabungan nang bang lewih gedhe kenimbang wong sing nang wilayah lainné nang Pamarican (jere). Urip nang wilayah gie memang ora akeh susah ora nduwéni beras bisa madang karo budin atawa umbi - umbian sing liané, ora mesti tuku sayuran (janganan) nek pengin mangan enak kur mancing nang kali alias Walungan (B.Sunda) kerna alam sing subur makmur wong Mekarmulya memang bener - bener dadhi wong mekar lan dadi mulya.
 |
| Curug Sidamulih - Pamarican |
Mekarmulya terkenal kang hasil alam misalé bae Dukuh, Manggis, Duren, Kokosan, Pisitan, Jengkol, Pete, Kolangkaling, Gula Aren, Kayu lan lain sejabané tapi sing paling tek inget Mekarmulya memang daerah sing subur lan indah kaya surga cilik. Sawah sing jajar kaya tangga, gelombang gunung sing ijo kadang biru lan kali sing banyuné ésih bersih kinclong kaya kristal. Ana pirang - pirang curug sing ana nang wilayah Limus Dua tapi Ényong biasané kur bisa dus - dusan atawa siblon nang 2 curug tok.
Unik lan indah curug sing ora ana jenengané gie, lokasi ora adoh kang umahé bibiné Ényong sekitar 500 Meter munggah mudun gunung. Banyu kristal ngalir kang ndwur tekan ngingsor sing sebeneré fungsiné go ngaliri sawah - sawah sing nang wilayah gue. Nek dipikir - pikir memang kaya lukisan mbanget plek jiplek pokoké. Ora kebayang nek banyu ngalir pas lagi panen ngawa panganan lotek, cowelan lan kumpul bareng keluarga sekalian panen sekalian kumkum nang curug. Lewih indah kang cerita Jaka Tarub.
Bibiku pernah cerita yen curug gue biasané go tempat wong pada njamu tamu sing pengin pada botram alias ngaliwet ala Sunda. Ora disangkal maning memang pas lan memang primadona gi nyuguhna pemandangan sing paling apik go para tamu sing haus keindahan. Sayang memang sayang ora ana sing bisa ngembangna curug gue dadi destinasi wisata anyar nang wilayah Ciamis Kidul ya kerna akses lan alasan lainné surga cilik tetep angel dijamah kecuali memang ana niat arep njamah. Ényong dewek pernah nyeplos omong aring Zaenal Mustofa sing nduwéni blog www.ebelmetal.blogspot.com yen curug sing nang Limus Dua bisa dadi destinasi wisata terkenal butuh wektu 200 taun hehehehe. Biarlah surga kecil menjadi surga kecil yang abadi tanpa ada pendosa yang merusak kesuciannya.
Komentar