Nerusna tulisan sing wingi...
Aliran banyu kang ndwur tekan ngingsor memang ana mangfaat go sawah - sawah nang sekitar curug gue (curugé ora ana jenengané) alirané ora akeh kur ngalir terus arep musim ujan apa musim ketiga (kemarau). Banyu ora tiap dina bening kata kristal tapi kadang-kadang butek kaya kopi susu kerna ngawa lemah kang nduwur atawa memang ana sing ngubek - ubek aliran banyu. Bendungan cilik ana uga nang aliran gue fungsiné go maksimalna pengairan sawah sing memang kudu ana cadangan banyu sing akeh. Nang bendungan biasané tiap dina ana bae wong sing mancing nang kono memang iwak mandan akeh.
 |
| Pose karo garuk - garuk tangan kerna gatel |
Ésih sealiran banyu, maju ngingsor sekitar lewih kang 500 Meter ana maning curug lokasiné lewih terpencil alias umpetan memang sih jenengané surga gue biasané umpetan soalé sapa wongè nek pengin menikmati indahé kudu ana usaha keras. Mlaku kang lokasi curug tengah sawah memang mandan ngrasak dadhiné milih dalan sing apik kur resikonè dalanè muter sing akhiré dadhi adoh. Mlaku ngilawati sawah sing lagi mratak (padi kekuningan) dadhi nilai tambah keindahan nang wilayah curug Limus Dua, selewatan tok ngilawati sawah lainné nglewati kalenan (drainase) cilik sing pinggiré jurang kur ketutup wit - witan rungkud. Memang setiap wong sing nang wilayah gie wis pada ngerti yen nang kono ana curug sing gedhe lan duwur tapi ora setiap wong Kubangpari apa Pamarican ngerti lokasiné curug gue.
Mudun tekan aliran kali lumayan keringetan akeh bes kejebes klambi nang kringet sing asin tur mambu khas maskulin ora pantang go niliki surga cilik nang aliran kali gie. Sepanjang aliran kali gie akeh watu - watu gedhe sing numpuk - numpuk dadhi keindahané dewek, ana maning watu gedhe sing njeroné bolong bisa dilewati tapi maras (khawatir) mbokan jero tapi memang dadhi wong penasaran ngrasakna mlaku meng lorong watu gue. Ana watu gedhe banget sing njangleng go dadhi sandaran watu - watu sing lainné jan memang surga mbanget koh.
Perkiraan 10-15 meter duwur curug gue sing marékna angin kang banyu sing tiba kang nduwur menghembuskan angin sing lumayan gedhe. Sayang mbanget curug gie mandan cethek kira - kira jeronè kur 1-2 meter tok dadi ora bisa anjrut kang duwur. Ényong kur ana sejam tok kumkum karo dusdusan lumayan menikmati keindahan gue aja suwe - suwe nek kesuwen malah dadi keterusen hahahaha.
Sebeneré ésih ana maning curug nang wilayah aliran banyu gue kur Ényong rung ditidokna maning nang Mamang atawa Bibiku ya mudah-mudahan engko nek menganah maning bisa meng curug sing liané. Amin.
Komentar