Lecek atawa jobrod biasané hal sing mandan lumrah go buku - buku sing sering diwaca nek ora sing sering diselangna meng wong lia. Tapi ana cara kepriwe golé ngrawat buku men tetap maen tur kinclong. Ényong arep mbagikna tips ngrawat buku men aja cepet lecek nek ora bojrod. Monggo diperhatikna lan dilakoni sedina sedina bocah - bocah.
1. Sedurungé tuku buku perhatikna buku sing arep dituku keadaané bojrod apa ora lecek apa ora sowek apa ora kertas nang njeroné atawa kertas sampul. Pastinkna keanaan buku ésih singset lan ésih gress seprawan - prawané buku.
2. Aja kelalen tuku bungkus buku kang plastik tepaté kaya plastik khusus go bungkus buku sing praktis apa sing kudu diketoki (potong/digunting) tapi lewih maen lan kuat nganggo sing madan ora praktis soalé kualitas plastik lewih maen lan kandel. Mangfaaté bungkus buku plastik men kenang udan atawa banyu ora langsung teles kejebes, kenang caos (saus) atawa cairan sing lainné tur go estetika keayuané buku.
3. Buku sing diproduksi siki memang wis akeh sing aweh bookmarks alias penanda buku tapi nek tuku buku tapi ora diwai penanda buku digawe bae kang kertas karton apa amplop atawa hal liané sing bisa dadi penanda buku sing ramah aring kertas buku. Penanda buku gie fungsiné go nandakna tekan halaman pira dewek golé maca selain gue men ora kosi mbukak siji - siji lembar go meng halaman sing terakhir diwaca. Biasané wong nek nandani halaman terakhir sing wis diwaca halamané ditekuk dadhi lembaran buku sing ditekuk rusak lan suwe - suwe bojrod lan ora ayu maning bukuné.
4. Aja mbukak buku kasar - kasar soalé bisa marékna buku rusak, sowek atawa rukes.
5. Aja nekuk buku, nekuk buku pada bae ngrusak buku secara cepet. Nekuk buku meng jaba pas maca uga ngrusak buku utamané punggung buku nek punggung buku rusak suwe - suwe lembaran buku copot kerna lem sing nang punggung buku retak. Penting banget aja sering sering buku dipoto kopi soalé nek keakehan dipoto kopi punggung buku gampang rusak kerna diteken kuat.
6. Pas maca buku aja edek - edek cairan misalé minuman, saos atawa cairan lainné bisa - bisa buku kena muncratan atawa kena cairan langsung. Lembaran buku kenang cairan pastiné ngrusak buku dadi keriting.
7. Aja tumpuk buku nang tas terlalu akeh atawa aja paksa buku mlebu meng tas sing wis penuh. Paksa buku mlebu tas sing penuh marékna buku rusak.
8. Kresek plastik aja kelalen digawa, wadah gie sakti go nglindungi buku kang udan.
9. Susunan buku nang lemari uga bisa pengaruh nang kualitas keapikan buku ushakna digawe njangleng sesuai karo ukuran buku sing sejajar lan ana pembatas antara buku sing liané.
10. Buku sing nang lemari aja kelalen sogi kamper atawa kapur barus men aja kenang kutu buku.
Usahakan lemari seminggu sekali sering ditiliki men aja kenang jamur. Monggo sing duwe tips liané dibagi wae nang kolom komentar. Mugia ana mangfaaté go sampeyan.
 |
| Koleksi buku pribadi |
Komentar