Huruf O
1. Obah ngarep kobet ing mburi (ib). Pemimpin atawa wong sing nduwur ngerjakna apa bae dituruti nang sekabeh bawahan.
2. Olehe njentik arep dijempol (ib). Wong sing nembe ulih barang kang batirè kerna penjalukannè ijig - ijig ana sing njaluk barang gue.
3. Omah sadhuwuring jaran (Ib). Wong sing ngebangkang pemerintah.
4. Opor - opor bebek menthas awakakè dewek (ib). Wong sing untung kang usahanè dewek.
5. Ora ana banyu mili mandhuwur (ib). Akeh - akehè wong apik dadhi apik, wong elek/jahat dadhi jahat.
6. Ora ana geni tanpa kukus (ib). Ora ana perbuatan atawa tingkah laku (apik atawa elek) tanpa ana kabar berita.
7. Ora ana kukus tanpa geni (ib). Ora ana kabar berita sing ana kenyataan.
8. Ora ana teken wedi ing jeblogan (ib). Wong lanang sing turu karo wong wedhon sing ora pantes atawa pelacur.
9. Ora angon kosok (ib). Wong sing ora inget wektu.
10. Ora bisa maca kulhu/ora weruh alip bengkong (ib). Wong sing ora bisa maca huruf arab.
11. Ora bisa ndulit mangsi (ib). Wong sing ora bisa nulis.
12. Ora dublong (ib). Wong dhaif ora berdaya maning.
13. Ora dhenger ing pa pincang (ib). Wong sing ora bisa maca tulisan jawa.
14. Ora endah katewel (ib). Wong biasa, ora nduwéni kelewihan kang wong akeh.
15. Ora ganja ora unus (ib). Wong sing rupanè elek nek ngomong omonganè elek.
16. Ora gepok senggol (ib). Ora ana sangkut pautè.
17. Ora iga ora kunca (ib). Wong miskin banget.
18. Ora jaman ora makam (ib). 1 segala sesuatu sing ora pas kang wektu. 2 wong sing ora jelas asal tempatè.
19. Ora juntrung (ib). 1 wong sing cerita ora jelas awal akhirè. 2 wong sing ora jelas silsilahè.
20. Ora kena ana bathuk klimis (ib). Wong lanang seneng wong wedhon sing ora ayu tapi bersih, ora ditampik.
21. Ora kena diampu - ampu (ib). Wong sing ora gelem dikuasai karo kekuatan atawa kekerasan.
22. Ora kena dikrokos (ib). Wong sing ora bisa dianggap gampang.
23. Ora kena disangga miring (ib). 1 sakabeh sesuatu ora bisa dianggap gampang. 2 wong sing ora bisa dianggap gampang.
24. Ora kena disawawa (ib). Wong sing ora bisa disaingi atawa diimbangi.
25. Ora kena londho - londho (ib). Segala sesuatu sing ora bisa digawa usaha.
26. Ora kena logok - logok (ib). Segala sesuatu sing ora bisa diperlakukan sambil lalu.
27. Ora kena wong pilis (ib). Wong sing gawe keangelan maring wong lia.
28. Ora keris nanging keras (ib). Wong sing gertak sambel.
29. Ora mambu bocah (ib). Anak sing gawe tingkah laku kaya wong tua.
30. Ora mambu ethog irus (ib). 1 wong lia, udhu keluarga. 2 keluarga sing ora gelem berhubungan.
31. Ora mambu sega jangan (ib). Wong lia, udhu keluarga.
32. Ora mambu wong lanang/wedhon (Ib). Wong wedhon sing nduweni sifat kaya wong lanang atawa wong lanang sing nduweni sifat wong wedhon.
33. Ora nerima ing pandum (ib). Wong sing ora puas karo nasibè.
34. Ora ngebuk ora ngepèn (ib). Wong buta huruf.
35. Ora ngubengakè jantra kedhayohan wong edhan (ib). Wong sing ditamuni wong gemblung.
36. Ora nyèthèt (ib). 1 ngelahirna anak. 2 nduweni hajat gedhe.
37. Ora Polo ora uthek (ib). Wong sing paling bodo.
38. Ora satu. Ora bersatu.
39. Ora tèdhèng aling - aling (ib). Wong sing lugu, lugas, omongané apa ananè.
40. Ora teler (ib). Ora ana ingus.
41. Ora tembung ora lawung (ib). Wong sing njiot barangé wong lia ora ijin.
42. Ora teyeng (ib). Ora bisa nguyuh.
43. Ora tèyèr (ib). Ora bisa nguyuh.
44. Ora thothok jawil (ib). Wong sing nduweni kerja atawa kegiatan ora aweh kabar.
45. Ora urus (ib). 1 wong sing ora jujur. 2 wong sing ora gelem reti kesalahannè.
46. Ora weruh ndas trasi (ib). 1 wong lanang sing ora reti kerjaan nang dapur. 2 wong sing ora gelem reti sapa sing arep dihadapi.
47. Ora weruh kenthang kimpulè (Ib). Wing sing ora reti masalah penalaran.
48. Othak - othak mega (ib). Tongkat wong pichek.
49. Otak - atik didudut angel (ib). Wong sing cokan aweh ati aring wong lia, tapi nek barang gue dijaluk malah angel.
50. Owal - awil owel (ib). Wong sing janji aweh sesuatu, tapi ora ana sing dadhi kenyataan.
Komentar