Jaman wis suwe berubah utamanè soal alat komunikasi sing wis lewih modern kenimbang 15 tahun (13/9/16) mbien. Setua - tuané alat komunikasi esih tetep ana gunané terutama nek keadaan darurat misalé bae pas lagi ana bencana listrik mati, apa apa angel, sinyal telpon ora ana, jelas alat komunikasi "Kentongan" sing paling efektif nang keadaan kaya gue. Ora beda kaya benda - benda pos esih berguna mbanget go wilayah - wilayah sing esih pedalaman.
Jaman siki benda pos wis jarang dienggo kur nek ana kanca atawa dulur sing ora nduweni alat komunikasi modern atawa ora nduweni akses komunikasi modern, surat dadi pilihan utama. Surat ora bisa adoh kang jenengané perangko ya perangko gue alat pelunasan kiriman pos utamanè surat atawa kartu pos. Tiap perangko nduweni rega beda - beda misalé bae ana perangko sing regané Rp 1000 ana uga sing Rp 10.000 ana sing unik kang perangko yague gambar perangkoné sing nduweni seri dewek - dewek misal seri hewan khas Indonesia, seri pahlawan, seri pramuka, lan seri liannè.
Keunikan seri gue sing dadi minat utama wong ngoleti perangko jaman siki walaupun wis ana alat komunikasi sing lewih canggih. Ngomong soal keunikan perangko Enyong dewek nduweni album perangko kang negara Indonesia lan negara Asia liannè misalé kaya kang Jepang, Vietnam, Taiwan, Korea, Malaysia, Singapura, Kuwait, Uni Emirate Arab, Pakistan lan India. Kang koleksi perangko sing tek duweni ana sing lewih istimewa yague album peringatan seabad Bung Karno selain istimewa kerna seri tentang Bung Karno istimewa uga karena album gie diwai nang Pak Pos Bapak Rohim lan Hendaryana sing tugas nang kantor pos Pamarican 46382 sing dadi langganan ku kirim surat lan nerima surat agi jaman MTs tekan SMA.
 |
| Koleski gambar perangko Presiden Soekarno |
Album peringatan seabad Bung Karno gie diproduksi nang PT Pos Indonesia devisi Filateli tanggal 6 Juni 2001. Dibungkus istimewa karo sampul album warna ireng karo gambar Bung Karno nganggo kupluk lan tulisan "Bung Karno & Prangko - Bung Karno & Stamp" dicetak karo warna emas. Album perangko gie kur ingsi 6 lembar thok (12 halaman) lan dicetak nganggo Basa Indonesia lan Basa Inggris.
Halaman pertama lan cover album gie isiné ana 4 perangko asli gambar Bung Karno cilik kira - kira umur welasan taun sing diregani Rp 500, perangko keloro gambar Bung Karno umur 20 taunan sing diregani Rp 800, perangko ketelu ana Bung Karno umur 30 taun diregani Rp 900 lan terakhir gambar Bung Karno umur 40 taunan diregani Rp 1000. Selain gue ana uga gambar perangko Rp 20 Sen lan Rp 10 Sen tulisan 17 Agostoes 1945 gambar banteng. Keterangan gambar njelasna tentang kebangsaan Indonesia lan kata sambutan.
Mlebu halaman pertama dijuduli 1948 Seri Repoeblik ingsi 3 gambar perangko. Perangko pertama gambar Bung Karno lan ana gambar wong Belanda (kemungkinan gubernur jendral) diregani 1R (1 Ringgit). Perangko keloro lan ketelu gambar Bung Karno tunggal kur bedané jenis perangko sing siji perangko jenis biasa lan jenis pos udara nek soal rega kabeh perangko 25R. Judul keloro ana 1949 Seri Republik persis kaya perangko seri Repoeblik kur bedané tulisan Repoeblik dadi Republik.
Halaman loro nang pinggir album ana perangko gambar Garuda Pancasila warna dasar abang diregani 15 Sen lan keterangan tentang Jiwa bangsa Indonesia sing nduweni jiwa gotong royong lan kekeluargaan. Bagian album sing judul seriné 1965 Seri Pancasila ingsi 5 perangko. Lima perangko gue beda - beda gambar sing pertama gambar lambang banteng pancasila warna dasar abu abu, rega 40 +/- 15 mbuh apa maksud kang kurang lewih 15 lan mbuh satuan sen apa rupiah rega perangkoné. Perangko keloro gambar wit beringin pancasila warna dasar abang rega 25 +/- 10. Perangko ketelu gambar bintang pancasila warna dasar ungu rega 50 +/- 15. Perangko kepapat gambar kapas karo pari pancasila warna dasar oranye muda rega 10 +/- 5 lan terakhir perangko gambar rante pancasila warna dasar kuning rega 20 +/- 10.
Halaman ketelu nduweni judul 1951 Seri Presiden Sukarno isi 15 perangko gambar Bung Karno warna dasar lewih kang 10 warna rega perangko Rp 1 sampeka Rp 50. Perangko gambar surat sing digenggem warna dasar coklat rega Rp 50 keterangan gambar tentang impian kemerahan dadi awal halaman kepapat. Halaman gie nduweni 3 seri yague 1955 Seri Konferensi Asia Afrika ingsi 4 perangko gambar bola dunia lan wong wong sing nguculna manuk dara, sakabeh perangko diregani 15 Sen, 35 Sen, 50 Sen, lan 75 Sen. Taun 1970 ana Seri 25 tahun konferensi Asia Afrika ingsi seperangko tok gambar Gedung Merdeka Bandung warna dasar abang jambu rega Rp 150. Seri terakhir taun 1985 Seri 30 Tahun Konferensi Asia Afrika ingsi seperangko tok gambar Gedung Merdeka Bandung diputeri nang kapas karo pari diregani Rp 350.
Halaman kelima seri 1964 Presiden Sukarno ingsi 10 perangko gambar rainé Bung Karno warna dasar putih kur rainé sing beda warna. Rega ana Rp 6, 12, 20, 30, 40, 50, 75, 100, 250, lan 500. Pembuka halaman keenem gambar perangko proklamasi kemerdekaan rega 50 Sen karo keterangan bahawa jiwa raga Bung Karno kur go Negara. Selain gue ana album perangko seri 1955 Pemilihan Umum ingsi 4 perangko warna dasar ana ungu, ijo, abang lan biru nduweni gambar wong arep milih partai atawa arep coblosan, rega perangko ana 15 Sen, 35 Sen, 50 Sen lan 75 Sen. Seri 1959 ana Seri Kembali ke UUD'45 ingsi 4 perangko gambar tulisan kembali ke UUD'45 warna dasar ijo, jambon, biru lan coklat. Rega perangkoné ana sing 20 Sen, 50 Sen, 75 Sen lan Rp 150.
Halaman kepitu seri 1965 Conefo ingsi 15 perangko gambar rainé Bung Karno lan tulisan Conefo rega ana 1 - 100 rupiah lan ditandai karo +/-. Mugia nambah pengetahuan soal filatelie ya. Halaman sing liannè rep tek teruna ngesuk maning.
Komentar