Wulan Agustus memang salah siji wulan paling ditunggu nang sakabeh rakyat Indonesia. Sebabé apa? Wulan kemerdekaan negara. Wulan agung go wong Indonesia sakabeh lapisan masyarakat. Nang wulan gie wong pada seneng kerna pemerintah karo rakyat padha - padha ngrayakna kemerdekaan.
Ngrayakna kemerdekaan memang ora kur manjat lais atawa balap karung tok tapi bisa uga karo pameran. Syukur alhamdulillah Enyong bisa melu nyeksikna pameran lukisan istana negara, lukisan istana negara memang jarang banget metu atawa dipamerna kerna memang salah siji aset negara sing berharga. Kerna kemurahan pemerintah Bapak Presiden Joko Widodo lukisan - lukisan istana negara bisa dideleng nang rakyat biasa.
Tema pameran lukisan istana negara gie diwai judul "17:71" sing angka - angkané nduweni arti khusus go wong Indonesia. Pas tanggal 17 Agustus Indonesia nduweni umur 71 tahun. Gie salah siji kutipan sambutan pameran lukisan sing bisa ngambarna angka 17 karo 71: "Tepat pada tanggal 17 Agustus tahun ini, kemerdekaan Indonesia berusia 71 tahun.
Angka 1 dan 7 memberi kenangan berharga bagi bangsa ini. Angka 17 telah terpatri abadi dan sakral bagi bangsa Indonesia, sebagai penanggalan yang identik dengan kemerdekaan. Jika angka itu kita balik menjadi 71, sumbu utamanya adalah peringatan atas kemerdekaan. Selama 71 tahun Indonesia telah mampu memilih 7 presiden dengan tetap mengedepankan 1 tujuan: negara ke-satu-an."
 |
| Lukisan RINI sing digawe nang Ir Soekarno |
Memang akeh lukisan sing dipamerna tapi kur ana siji sing nang Enyong dadi topik omongan dina siki yague lukisané Presiden Soekarno. Ya memang presiden pertama Indonesia gie nduweni rasa seni paling tinggi keton mbanget yen dewekè nduweni koleksi - koleksi lukisan, patung, arsitektur lan liannè. Ya wis tak jelasna langsung lukisané Presiden Soekarno.
Lukisané Presiden Soekarno gie dijenengi "Rini" dilukis nang kain kanvas ukuran 50x70 cm karo teknik lukis lenga. Lukisan gie janjané nduweni cerita sing menarik soalé Presiden Soekarno sing gawe dewek. Jerè Pak Dullah sing dadi saksi lukisan "Rini" janjané lukisan gue awalé digawe nang Pak Dullah tapi nembe kur sekedar coretan (sketch) tentu rung nduweni arti apa - apa. Kerna ana urusan Pak Dullah balik meng Jakarta dadi lukisan sing esih sketch ora dikerjakan maning.
Awal Desember 1958 Presiden Soekarno meng Bali sekitar 10 dina go istirahat, nang Bali nemukna sketch gaweané pak Dullah. Akhiré Presiden Soekarno nerusna sketch sing dadi lukisan dijenengi Rini. Apa sing menarik kang "Rini"? Pertama Rini digawe nang Pak Presiden sing notabene wong sing politik, keloro teknik lukisan sing apik keton kang gambar klambi transparan sing keton njeroné. Teknik gie memang langka sing bisa. Ketelu gambar tangan, ora kabeh pelukis bisa gawe tangan sing sempurna pas karo awak, nah nang kene Pak Soekarno gawe tangan pas karo awak. Memang lukisan gie nduweni keistimewaan lewih.
Komentar