Sambatan nduwéni arti pada karo "mbantu - mbantu ". Tapi sambatan gue khusus mbantu - mbantu wong sing agi gawe umah atawa pindahan umah (pindahan umah sing digawe karo bilik atawa kayu). Sambatan memang siki wis jarang banget kerna wis akeh tukang bangunan lan kerna wong wis pada sibuk maring kerjaané dewek - dewek.
Pertama-tama wong sing arep pindah umah atawa gawe umah ngundang tukang bangunan go didadhikna arsitek atawa juru bangunan nah nembe ngundang tangga sebelah kon sambatan (gmien sambatan ora kosi ngundang). Jam sambatan biasané tes beres kabeh wong madang kang umah sekitar jam 7-8 isuk nembe mulai sambatané.
 |
| Lukisan wong lagi nganu kayu |
Jam istirahat sambatan ana uga yague pas jam 12 tabuh bedug Duhur karo jam 3/4 tabuh Asar. Jam istirahat biasané madang karo panganan sing wis disediakan nang tuan rumah, hidangan wong sambatan cukup istimewa ana soto, sop daging lan hidangan sing lumayan liannè langka wong sambatan sing hidangané sederhana atawa apa ananè.
Tugas wong sambatan beda karo tukang bangunan tapi ya ana mirip - miripé. Wong sambatan biasané tugasè ngotongi kayu - kayu, maku, ngurug lemah, ngaduk semen, lan kegiatan pembangunan sing liannè. Nah nek tukang bangunan khusus kerjaané misalé ngukur, miring apa orané bangunan, gawe sketsa bangunan sing arep digawe lan kegiatan pembangunan sing liannè.
Jatah berkat sambatan biasané ana sega sing dibuntel godhong gedhang, tempe goreng, daging 1 - 2 blindi (nek sing spesial biasané sampe 3 blindi), janganan tempe kering atawa janganan mi, nangka atawa jangan tahu. Tukang bangunan biasané digawani berkat sing istimewa beda karo sing liannè tapi ana bae sing madakna kabeh karo wong sing sambatan. Sambatan ora nganti tekan mangdina - dina maksimal biasané kur 3 dina. Ora akeh sing bisa diceritakna soal sambatan tapi hikmah sambatan memang akeh mbanget utamanè soal silaturahmi. Semoga sambatan esih ana tekan anak cucuku engko.
Komentar