Tiap sesi keuripan pasti ana bentuk rasa syukur maring Gusti mbuh gue lahiran, nyepiti, sampe tekan upacara kawinan. Siki arep mbahas sesi keuripan kang awal mula wong metheng sampe babaran.
Mapati atawa matang wulan
Gusti Allah nyemburna atawa ngelebokna ruh atawa nyawa maring si jabang bayi sing esih patang (4) wulan nang njero wethengé biyungé. Kerna saking istimewané wulan gue dadhi ana slametan matang wulan, upacarané ana sing gedhen ya ana sing sederhana. Matang wulan sederhana biasané nganakna pengajian ibu - ibu nang umah diterusna maca surat Maryam karo surat Yusuf seuwisè pengajian biasané ana jamuan sederhana kaya pacitan atawa parasmanan.
Mitung Wulan
Seuwisè matang wulan giliran mitung wulan alias 7 bulanan, acarané biasané ana sing gedhen ana gua sing cilik - cilikan, nek sing cilik - cilikan biasané kür ana pengajian khusus ibu - ibu sing diundang meng umah kon maca surat-surat kuran. Nek acara gedhen memang campur tangan budaya karo agama lewih akeh budayanè. Ket awal memang budaya lewih akeh dienggo nang upacara slametan mitung wulan. Bar sembayang ashar biasané calon bapak wis njemput dukun bayi go ngarahna upacara lan donga - donga khusus selain gue si calon bapak uga wis nyediakna banyu pitung sumur tua, kembang 7 rupa, welut karo kelapa enom. Kelapa enom digunakna pas seuwisè calon ibu diadusi karo kembang 7 rupa karo banyu 7 sumur terus diadusi karo welut, nah welut gue perlambang men lairannè lancar kaya welut lan nyacag kelapa perlambang lahiran nek nyacagè lempeng berarti anakè lanang nek nyacagè menceng berarti edhon. Wenginé biasané ana slametan atawa kenduren.
 |
| Anake kakangku Dadan Muhammad Syafei sing dijenengi Jaissy Muhammad Elfaz |
Babaran
Bayi wis dibabarna, giliran wong lanang sing ngumpulna tepes (serabut kelapa) go dibakar karo welirang nang sanding kamarè si jabang bayi biasané mbakaré sore - sore mungkin mau - maunè go ngusir lemud.
Leklekan (Muyen)
Selama seminggu biasané ana acara muyen jabang bayi bisa diguang (perlambang) nang buyung lan bapakè nek pada bae wethon karo biyungé atawa bapakè, cara nguwang karo jalan lotre atawa kipyik nang acara muyen sing seminggu gue. Sapa wongè sing kalah kipyik biasané gue sing dadhi bapak angkat si jabang bayi.
Njenengi
Pitung dina wis dimuyeni akhiré malam go njenengi si jabang bayi teka. Slametan njenengi jabang bayi mandan beda karo slametan sing liannè nang slametan gie biasané diwacakna syair - syair arab alias perjanjen (birjanji) sampeka pirang bait bae nah akhir perjanjen si jabang bayi digawa muter - muter keliling wong sing pada nyanyikna perjanjen sampe 7 puteran. Semprotan minyak wangi tanda akhir kang puteran si jabang bayi seuwisè biasané didongani sekalian nyukur rambut si jabang bayi karo koin emas, ali-ali emas tawa apa bae kang emas go masuhi gunting biasané ana rantang isi banyu karo kembang 7 rupa. Sapa bae sing bisa nyukur si jabang bayi?? Biasané sing nyukur jabang bayi yague keluarga, kiyai, pak kaji, lan tokoh penting nang masyarakat kono. Nah seuwisè dicukur nembe jenengan si jabang bayi diumumna.
Komentar