Apa pikirannè sampeyan nek ndleng wong wadon ngerokok? pestinè negatif. Ya nek wong wedhon jaman siki memang ketoné negatif nek ngerokok nang tempat umum apa maning nganggo klambi sing seksi pestinè wong nganggap wong wedhon gue wong nakal.
Sejarah mbako karo wong wedhon nang Jawa memang wis lawas mbuh awal ceritanè kepriwe. Nang kene Enyong ora arep mbahas sejarah gemien - gemiennè wong wedhon ngerokok mbako tapi kur nyinggung kang segi budaya lan norma sing nang masyarakat Jawa.
Memang beda antara wong wedhon tua karo wong wedhon enom ngerokok. Apa bedanè? Jelas bedanè kang nilai norma kesopanan. Wong wedhon tua ngerokok disebut ora masalah lan esih dianggap normal kerna memang ket gemien - gemiennè wong wedhon cokan nginang (nyepah) biasané nek tes nginang langsung ngerokok mbuh gue rokok klintingan atawa rokok kretek sing diproduksi kang pt. Kerna kebiasaan ngerokok tes nginang norma kesopanan berubah dadhi positif lan dianggap biasa. Lain hal karo wong wedhon jaman siki sing ngerokok pestinè wis dianggap nakal, kesepian lan hal negatif liannè. Ya memang beda kebiasaan sing dadhi budaya karo kebutuhan kerna stres.
Pandangan norma memang beda antara wong tua karo wong enom. Siki ditinggalna gipit masalah norma - norma gue siki balik meng inti pembahasan. Budaya mbako sing nang Enyong diperhatikna khususè kang lingkungan lan keluargaku dewek dadhi udu berdasarna penelitian. Ku perspektif tok.
Biyungku lan mamaku biasané ngerokok nek memang benar-benar atis atawa lagi ana acara rewang nang hajatan. Nek mamaku dewek biasané ngerokok nek dinai rokok kretek sekang acara rewang - rewang ora pernah sengaja tuku rokok meng warung go dirokok. Beda karo biyungku sing wis dadhi kebiasaan nek yes nginang dewekè sengaja tuku mbako mbali atawa jenis mbako liannè, papir, cengkeh, klembak lan menyan. Kaya wong biasané diracik dewek udhu wong lia sing ngracik. Jere nek wong lia sing ngracik rasanè beda. Ya mungkin keakehan atawa kekurangan salah siji komposisi rokok klintingan misalé klembak atawa cengkeh.
Ora akeh sing dibahas kerna kurang bahan sing arep diceritakna, keakehan ngarang mbokan dadhi masalah kerna ora berdasar.
 |
| Lukisan wong lagi pesta |
Komentar