Atis hawanè turu nang nangginsor gunung Geger Bentang tepatè nang Ciparakan - Sukahurip. Dina siki setu 28 Mei 2016 sing arep direncanakna dolan meng hutan lindung nang kawasan perhutani wilayah Batulawang.
Isuk dedet jam setengah lima isuk wis siap-siap go lunga meng alas. Kamera ora ketinggalan disiapna, peralatan atawa logistik liannè alhamdulilah wis disiapna nang Zaenal, Rylo lan Mamul, Enyong kur nerima dadhi thok.
Mlaku kang umahè Zaenal meng dalan alas sekitar limolas menitan, mlebu meng alas esih peteng dadhi lampu senter disiapna. Cuaca sing mendukung dadhi cerita indah dewek nang dina siki. Swara - swara penghuni alas wis pada saut - sautan ora ketang pitik alas, manuk - manuk, lan khewan sing liannè.
Dalan nang alas gie memang ora seekstrim alas sing esih perawan. Wis ana dalan sing lumayan ketenger tilas wong padha liwat. Wit - witan sing esih bener - bener alami dipanggoni akeh primata kaya lutung lan monyet ekor panjang.
Mandeg go istirahat sarapan karo roti (jan kaya wong Londo bae ya) alhamdulillah madang kur setengah thok wareg. Kerna kebiasaan tiap isuk guang kotoran arep ora arep kudu diguawang. Langsung bae ngoleti blumbangan go ngising hehehehe.
Medan sing terjal ora dadhi masalah gedhe tapi sing dadhi masalah gedhe yague sandal sing lunyu kerna lemah sing nempel nang sendal. Mrosot terus tekan jurang butuh kekuatan lewih go nahan awak men aja tiba atawa gelundung meng ngingsor. Kur Zaenal thok sing ora kepleset sakabeh peserta pada kepleset.
Selama nang perjalanan kehibur nang onen - onen khewan alas song bener-bener eksotis apa maning ananè lutung sekeluarga sing agi sarapan pucuk godhong. Pemandangan sing langka lan menakjubkan go wong sing modern. Memang alas gue dadhi alas lindung sing fungsinè go habitat asli lutung, monyet buntut dawa, kidang, kancil, alap - alap, lan macan tutul.
 |
| Dalan setapak nang alas Geger Bentang - Pamarican |
Komentar