Jere wong sing keminggris long weekend nek ora meng endi - endi rasanè kaya wong ilang nang gurun sahara bingung tur jenuh kayague maning kayague maning. Kerna ana long weekend gue Enyong dewek kudu bisa muterna otak karo duit akhirè tek pilih Purwakarta sing dadhi tempat long weekend. Enyong ora arep akeh ngomong sebenerè dadhi edisi gie kur ana bagian-bagian ringkas kang pelesirannè Enyong.
Maunè sepupu sing jenengané Ikhsan Juliono karo Atiq arep melu kerna rong wong gue ora bisa akhirè mangkat dewekan. Sedurungè dina keberangkatan survei jadwal sepur nang stasiun karo nang situs internet memang perlu soalè mbokan jadwal berubah. Wenginé karo pit - pitan meng stasiun Tambun sing lumayan edhek kang kosanku 15 menit numpak pit wis guthul. Takon - takon aring petugas karcis sing lagi dolanan telpon genggam, jere dewekè jadwal ora ana sing berubah. Ora kelalen jadwal sing ditempelna ngasal (ditempelna nang kotak trafo listrik) dipoto nganggo telpon genggam men inget jadwalè.
Rasa wegah kerna rikat urung rampung - rampung akhirè mangkat bae jam 10:40 isuk walaupun esih ninggalna klambi seragam sing esih kotor karo teko teh sing urung dikumbaih. Mandan karo mlayu meng dalan gedhe go ngetem mobil elf sing arep lunga meng arah Tambun, mbayar elf kang Bekasi Timur meng Tambun kur 3000 rupiah. Ora pas karo dugaan rengan sing dugaan lancar golecar ternyata sekabeh dalan macet kerna sing jenengané long weekend gue!! Jan! Jan! Jan! Gusti. Disabari akhirè tekan stasiun jam 11:15 awan tapi ternyata sepur terlambat teka tapi tetep ora bisa melu sepur gue kerna karcis entok golethok!!! disabari maning bae. Akhirè nunggu tekan jam 2 awan (sepur ke-2) alhamdulillah ulih karcis huh jan sing jenengané long weekend dadhi wong medhem bae yah. Karcis sepur lokal gie kur 6000 perak tok arep kang Jakarta kota atawa Tambun tetap reganè 6000 perak.
Purwakarta
Alhamdulillah jog tekan kana jam 4 sore ora acara mancla - mencle nang stasiun langsung bae mentu stasiun, soalè penjaga stasiun ndomaih wong sing moto - moto kuburan gerbong sing memang lokasinè persis nang ngarep stasiun dadhi sapa wongè sing medun nang Purwakarta ya pengin lah ya mancla - mencle nang ngarep kuburan gerbong gue. Kur sing jenengané security wis ndomaih apa daya yah mending kabur ngoleti pemandangan atawa subjek sing pantes dipoto. Nang pojok ndi bae memang akeh patung sing ana hubunganè karo pewayangan sunda (wayang golek) nek ora ya tokoh-tokoh kang kerajaan sunda gemien kaya patung Kiansantang, Prabu Siliwangi atawa tokoh sunda liannè. Wis mandan kaya Bali nek jereku mah.
 |
| Banyu muncrat Sribaduga nang Purwakarta |
Taman
Wis aja pangling terus aring keananè Purwakarta siki! memang siki akeh pembenahan nang ndi ora termasuk sektor pariwisata sing lagi diandelna nang pemerintah pusat atawa pemerintah Purwakarta dewek. Keran banyu siap nginum wis ana nang kota cilik gie dadhi aja ragu nek arep nginum nang keran ala - ala luar negeri. InsyaAllah terjamin kualitas banyu nginumè gue Enyong ge selalu nginum banyu keran gue hehehehe ngirit duit uga. Kang stasiun ora adoh ana taman sing memang dadi ciri kota Purwakarta yague taman Sribaduga, taman Sriwarna lan karo taman liannè sing aku ora apal jenengané. Sing paling utama sih Sribaduga sing jere paling gedhe seAsia Tenggara!!! unggal dina setu wengi nek ora wengi istimewa biasané ana pertunjukan air mancur sing kaya nang Singapura. Mlebu meng area air mancur gie ora mbayar tapi ana sini syaratè yague tertib. Sebelah kulon kang Sribaduga ana taman Sriwarna sing ora kalah maennè tepat nang ngarep mesjid agung Purwakarta. Air mancur nang Sriwarna ora ana pertunjukanè tapi kur disogi lampu warna - warni, ana 2 air mancur sebelah kulon air mancur sing tengahè ana patung Kujang (senjata tradisional Sunda) sebelah wetan ana patung macan Siliwangi.
Panganan
Nek meng endi bae pelesirannè kudu mbanget alias wajib mukhofafah jere para Alayers nyicipi panganan khas kang daerah gue. Ora ketinggalan Enyong nyoba sate maranggi sing nang pinggir dalan (sing murah) alhamdulillah enak banget rasa sapi kerasa banget karo bumbunè sing mlebu meng daging, rega sate pinggir dalan kur 20000 perak tok go 10 sindik sate 2 bakaran ketan sing dadhi ganti sega. Enyong uga nyicipi surabi spesial karo endog sing memang jereku larang soalè mlebu restoran sing lumayan terkenal, seporsi surabi spesial endog karo jus jambu klutuk diregani 23000 rupiah. Lumayan yah.
Waduk Jatiluhur
Mandan adoh kang pusat kota ora dadhi masalah sing penting akses karo ongkos menganah murah. Alsan gue.dadi pertimbangan khusus go meng waduk sing pertama lan paling gedhe se Indonesia raya. Waduk Jatiluhur sing sebenerè duwe jenengan resmi waduk Ir Juanda. Akses meng waduk termasuk gampang kur nunggang angkot 2 kali.tok pertama nek kang Sadang nunggang angkot 05 tekan tempat ngetem angkot 011 kur mbayar 4000 perak dilanjutna nganggo angkot 011 sing tarifè kur 8000 perak dijujugna langsung tekan cangkem waduk. Murah apa larang hayu?! Relatif memang jawabannè. Cukup 30 menitan kang pusat kota meng waduk lumayan ora adoh mbok?! Dadhi jajal bae nek lunga meng Purwakarta. Nang waduk ana apa bae Ang Uyo? Restaurants ya pada jejer - jejer, cano, prau naga lan wahana banyu liannè termasuk waterboom. Mlebu waduk ora mbayar mbuh nek mlebu meng sisi resort. Ora bakal kecewa neng meng waduk gie selain kang fasilitas, suguhan pemandangan uga sing dadhi wesi lulut pariwisata nang Jatiluhur.Kur semeno bae laporan kang Enyong, mugia ana manfaat go sing maca.
Komentar