Hal sing unik nang keuripan gie yague tiap-tiap wong nduwéni ketertarikan maring hobi atawa kesenengan. Ana sing seneng ngoleksi sakabeh manuk, klambi, mobil atawa benda-benda liannè sing jere wong gue memang seneng. Ora ketang Enyong sing seneng ngumpulna perangko lan kertu pos. Enyong langganan jasa pos ket SD ket jaman nulis surat go artis sampe jaman ngrungokna radio SW alias tekan jaman aku kuliah lumayan suwe. Wis dadhi pelanggan sing suwe dadhi edhek lan kenal aring petugas Pos sampe nek ketemu nang dalan balik sekolah dewek aweh tumpangan walaupun nganggo motor pos. Ya gue salah siji silaturahmi sing luar biasa selain gue gemien Enyong dinai album khas perangko seri Soekarno lan perangko khas prima rainè tukang pos.
Ana keunikan dewek nang kesenanganku gie soalè jaman siki wis langka wong gawe surat terus nganggo perangko kerna teknologi siki wis maju arep apa bae sing dienggo penggunanè misalé email, sms, mms, BBM, WA lan lian sejabanè. Surat karo perangko gue beda psikologis pas wong gue nerima ana rasa bunggah ulih kabar lan ana rasa dagdigdug nang njero ati kerna maca surat atawa nunggu surat gue beda karo teknologi perpesanan (messenger) sing sedetik wis jog lan bisa langsung diwaca apa sing wong kirim.
Layanan surat pos mulai berakhir (wis ora populer) taun 2000an kerna wis akeh henpon atawa telpon genggam. Dadhi siku fungsinè pos kur go kirim paket, kirim duit antar negara atawa antar kota (western union), lan pembayaran liannè kaya pembayaran listrik, tunggakan adira atawa mbagi duit santunan kang pemerintah.
Perangko nduwéni gambar sing beda - beda tergantung seri sing dimetukna misalé seri manuk nusantara ya isinè gambar manuk kang sakabeh pulau nang nusantara. Nilai perangko biasané paling gedhe Rp 10.000 ana uga sing Rp 500 tergantung pos metukna nilai nominal sing esih berlaku lan esih sesuai tarif layanan siki.
Ket jaman cina lereng Enyong wis ngumpulna perangko ket mulai perangko sing kur 500 perak sampe perangko sing reganè 10.000. Enyong rung pernah ngoleksi perangko sing sengaja dituku tapi sering ulih kang batiran kang luar negeri, radio atawa kang balasan surat batirè.
Selain perangko benda pos liannè sing esih tek simpen nang aku yague kertu pos. Sakabeh kertu pos diwai kang radio internasional mulai kang Singapura, Malaysia, Taiwan, Jepang, Belanda, Vietnam lan negara liannè. Jumlah kertu pos sing nang aku tek terima lewih akeh kang koleksi perangko ya ana mbok kira - kira 100 kertu pos.
Ana rasa sing luar biasa nang dada nek ndleng kertu pos biasané dadhi inspirasi suatu saat bisa meng tempat gue (tempat nang kertu pos gue). Alhamdulillah kerna inspirasi gue Enyong wis ngalami meng tempat sing difoto dadhi kertu pos. Nek dikenang masa - masa gemien memang nduwéni arti dewek ora ketang hal - hal sing konyol. Monggo sapa bae sing nduweni cerita sing lewih menarik isi kolom komentaré.
 |
| Koleksi Perangko sing ana raine pak pos Pamarican gemien. |
Komentar