PELESIRAN: Pemandian Banyu Panas, Cikupa - Banjarsari

Wis terkenal seantero Pamarican yen nang Cikupa,  Banjarsari gue ana sing jenengané hot spring water atawa pemandian banyu panas sekang panas bumi. Banyu panas gie mili lancar kang njero gunung metu meng permukaan lemah, ngalir langsung karo saluran banyu/kali sing pedheke sumber banyu panas gue. 

Pemandian banyu panas Cikupa ora adoh kang Pamarican kira-kira ana 12 Km. Akses go meng lokasi memang mandan angel utamanè pas nang wilayah Golempang dalan rusak, kerikil watu sing pada njeprah bisa gawe bahaya wong sing liwat dalan gue utamanè wong sing urung terampil nganggo motor meng daerah gue. Akses tes kang Golempang lumayan maen, dalan aspal alus ora akeh tanjakan. Mlebu wilayah Banjarsari dalan lumayan maen kur ora diaspal kur tumpukan atawa susunan watu kali tapi cukup maen daripada kerikil watu njeprah. 

Melbu meng njero kang dalan utama langsung disuguhi pemandangan luar biasa utamanè sawah khas pegunungan sing nyusun, pedesaan khas Sunda sing kharismatik lan wong Sunda sing pada someah. Pemandian banyu panas gie misah karo pemukiman penduduk ana 1 km kang pemukiman tapi aja khawatir nang kana ana warung sing bisa dijajal go ngrasani panganan khas wong Sunda kaya opak,  renginang lan panganan khas liannè. Fasilitas nang pemandian cukup lengkap utamanè ana kakus, warung atawa tempat ganti klambi. 

Biaya masuk meng pemandian kur 5000 perak tok termasuk go parkir. Parkir mobil kur bisa mlebu 1-3 mobil thok kendala lokasi sing pinggir kali lan pinggir sawah dadhi masalah utama. Adus nang pemandian ora kudu mbayar maning tapi ketoné sih ana kotak sumbangan go kebersihan. 

Aslinè disediakan 2 kolam banyu panas kur sing bisa dienggo kur siji kolam cilik bentuk bunder,  ukuran jero sekitar setengah meter thok,  kayaning sih gmienè atawa tujuan kolam bunder gie go bocah cilik. Ana kolam sing lumayan gedhe bentuk persegi panjang kedalam kira-kira ana 1 meter lewih. Kur sayang ora bisa dienggo maning. Sebelah kolam ana bangunan khas kang kayu go tempat istirahat lan go ganti klambi, maju 3 meter ana tempat go bilas. 

Banyu panas kang alam gie jan bener-bener ora mambu welirang tapi gemien pas Enyong meng Cipanas pas sedurungè dibangun banyu esih mambu welirang kur ora nemen. Enyong janjanèh wis pernah meng pemandian banyu panas gue pindo ,  pertama pas lagi kelas 1 SMA karo kanca sekelas Wawan Setiawan sing umahè pedhek lokasi lan pas peresmian dadhi tempat wisata taun 2009 bar rampung ujian nasional SMA. Nembe siki (2016) bisa mampir maning dadhi tamu lawas sing teka maning. 

Jembatan kang kayu karo pring jelas dadhi kosmetik paling penting nang pemandian banyu panas gie. Ora ketang wong modern seneng pada poto selfi nang ngarep jembatan kayu. Ana sing lewih menang maning sebenerè kang pemandian banyu panas gue monggo diwaca bae nang edisi khas bahasa Indonesia.
Bocah Langkap lancar - Pangandaran lagi plesiran nang Cipanas - Banjarsari

Komentar

Postingan populer dari blog ini

Kata Serapan Bahasa Portugis dalam Bahasa Indonesia

Parfum Garuda Indonesia: Parfum Yang Mempunyai Hukum

KAWERUH BASA: Peribahasa lan Saloka Jawa #27