Menungsa gue memang mahluk sosial sing butuh interaksi sosial karo siji wong lan wong liané. Butuh gue istilah wong perlu sing hakekaté kebutuhan interaksi sosial. Sapa wongè kabeh butuh bantuan kang wong lia ora kur bantu - bantu masak, dagang, apa mbawon. Rewang yague salah siji interaksi sosial menungsa sing butuh bantuan go keperluanné deweké nang acara cilik apa gedhen semisal hajatan nyepiti, kawinan, slametan - slametan lainné .
Wujud gotongroyong masyarakat Jawa sing memang bener - bener apik kerna bisa ngasah silaturahmi karo tangga lan sedulur kabeh. Kang acara rewang gue silaturahim lan nilai sosial sing utama ora kur semata-mata mbantu - mbantu . Zaman memang wis berubah banget sapet teknologi sing canggih ngantikna sakabeh keperluan misalé wong hajatan nikahan ora kosi masak - masak nang umah kur tinggal telpon atawa pesen meng catering. Memang sakabeh kemudahan ana rugi lan keapikané istilahé positif negatif. Anané catering memang menakna alias ora ngrepotna wong sing duwe hajatan golé tuku bahan-bahan sing arep dimasak lan apa sing arep dimasak kur memang keringkasan gue ana dampak negatifé kerna interaksi sosial sing ilang.
Wis lewih kang satus taun "Rewang" kemungkinan wis dadhi budaya sing berakar kuat nang jiwa wong Jawa nang endi bae. "Rewang" memang dadhi roh sosial wong Jawa tanpa "Rewang" rasa sosial ibu - ibu karo bapak - bapak masyarakat Jawa ilang. Ya wis ngalor ngidul soal mangfaaté "Rewang" siki cerita apa karo kepriwe sih "Rewang" gue. "Rewang" ana pirang - pirang jenisé tergantung acarané apa misalé bae rewang hajatan sepiti/nyepiti, rewang hajatan kawinan, rewang slametan njenengi bayi lan acara liané. Biasané sing dianggap rewang gue akeh - akehé ibu - ibu sing pada masak tapi ora ketang bapak - bapak uga bisa disebutna rewang tapi memang jarang disebut rewang karna ra melu bantu - bantu nang dapur.
Wong sing rewang akeh orané tergantung cilik apa gedhené acara sing arep dilaksanakna. Misalé bae acara hajatan kawinan nanggap Campursari ya kurang lewih kudu ana sing rewang 15 wong atawa lewih, acara njenengi bayi biasané kur sewong atawa sampe tekan 5 wong wis cukup. Sapa bae sing kon rewang? Biasané sing kon rewang gue sedulur kang pihak keluarga lanang atawa keluarga wedhon lan karo tangga - tangga sing paling penak lan edhek karo sing duwe hajatan atawa acara. Biasané walaupun udu keluarga tapi batir atawa kekancan edek tapi adoh umahé biasané tetep diundang kon rewang. Kriteria pemilihan wong sing rewang biasané ya ana misalé bae sing diprentah rewang kudu wong sing sregepan, jujur, luwes, ora akeh omong, lucu atawa sing dadi hiburan go wong lia.
Wong sing rewang biasané teka meng umah sing duwe hajatan paling pertama lan biasané ngawa bahan-bahan pangan sing dadhi persembahan spesial go sing duwe hajatan beda karo kondangan biasa. Tugas rewang memang akeh misalé wong sing pinter belanja/becer kon becer meng pasar segala kelewihan atawa kekurangan duit atawa bahan panganan deweké sing njekel, wong sing bisa masak enak biasané kon masak nang dapur nah sing memang ora nduwéni kemampuan khas biasané kur ngrajangi (memotong) sayur atawa beres - beres nang dapur, ngumbaih piring gelas atawa nyediakna panganan go tamu.
Istirahat go wong rewang gue ana dewek tapi memang ora bisa dipastikna biasané bar bedug (dzuhur) atawa tes ashar kadang uga nek ana keperluan keluargané deweké bisa njaluk ijin balik meng umahé. Kadang-kadang wong sing rewang nginep nang umahé sing duwe selametan tapi kadang uga ana sing balik meng umahé deweké.
Paling akeh oleh-oleh lan ana bingkisan khusus go wong sing rewang nek sa uwisé hajatan atawa slametan. Bingkisan ora kur panganan sing digawe deweké tapi uga ana sabun, deterjen atawa barang - barang liané sing memang diwai nang sing nduwéni hajatan, tanda terimakasih atawa kesuwun go sing pada rewang.Sekilas tentang "Rewang" sing memang ngingetna meng kampung halaman kan memori indah pas lagi ésih bocah.
 |
| Lukisan karya Anna Ancher 1859-1935 "Sewing a dress for costume party" |
Komentar