Budaya lan kepercayaan gue biasanè sedalan kerna pengaruh siji meng siji liannè. Ora kur siji kepercayaan tok sing bisa mempengaruhi budaya tapi bisa loro atawa lewih. Misalè bae soal budaya nang Jawa, wong Islam Jawa/Sunda esih ngelakoni ritual-ritual atawa tradisi Hindu Buddha misalè bae sing arep tek bahas nang aku siki.
Dewi Sri yague salah siji tokoh dewi kesuburan, pari, sawah lan pertaninan sing dipercaya nang wong Sunda, Jawa lan Bali sak durungè Hindu lan sak uwisè ana Islam nang Jawa atawa Bali. Walaupun wong Indonesia utamanè wong Jawa/Sunda sing agamanè Islam/Kristen atawa wong Bali Hindu esih percaya maring kepercayaan animisme dinamisme. Akeh perayaan atawa pengangungan maring Dewi Sri salah sijinè yague acara Sekaten nang Jogja sing mempersembahkan kasil bumi sebagai rasa syukur maring Gusti (Allah/Tuhan/Dwi Sri).
Pengangungan Dewi Sri memang siki wis mandan langka kerna akeh sing ora ngamalna, tapi aku nduwe cerita mbien pas bapakku esih urip. Pari sebagai lambang kemakmuran nang desa pesti dipuja-puji misalè bae sak uwisè panen pari diwai sesaji (gelas diwai banyu lan godong tawa/dadap), para petani uga njiot sak genggem pari utuh karo ganggangè terus dipajang/digantung karo ani-ani. Selain gue sak uwisè ngeler/giling pari para petani biasa aweh sesajen maning kaya gelas disogi godong tawa, nah beda maning nek misalè dewek bar masak sega, biasanè dijiot sepucuk sega terus disajikna karo nginuman cilik biasanè disogna pinggir genuk (tempat nyimpen beras).
Mbien wong tank biasa nyimpen sak jumpuk pari nang ngarep umah, mbuh gue perlambang apa tapi sing pesti gue pengangungan maring Dewi Sri. Ana maning nek musim tandur biasanè petani meng sawah aweh sesajen tapi mbub apa isi sesajenè.
Kerna kurang bahan sing bisa dipertanggung jawabna, aku tutup sik artikel gie, nek ana bahan sing bisa dipertanggung jawabna tak terusna.
Salam.
Komentar