Segara kidul nek jarku, segara sing paling apik ketimbang segara Jawa Lor. Nengapa bisa ngomong kaya gue? Soalè segara kidul nduwe karakter dewek misalè ana sing curam, pasir putih, karang lan sejabanè. Beda karo segara Jawa Lor sing akeh-akehè nduwe pasir ireng, lan akeh lumpurè. Sakabeh karakter alam nduweni sebab dewek-dewek. Sedulur, akhir tahun gie, enyong plesiran maning meng tlatah segara kidul kabupaten Cilacap. Meng segara endi bae? Jan-janè wis mandan bosen meng segara gie tapi priwe maning yah.... Anu edek sih. Wingi aku meng segara Srandil karo segara Widarapayung.
Saiki enyong arep ngritisi segara Widarapayung karo Srandil. Nengapa pengin mbanget ngritisi segara gie? Yo wis waca bae terus.
 |
| Pemandangan Kang Nduwur Gunung Selok |
Sedulur tempat plesiran biasanè gue indah, apik, maen, kewes, apa maning jal? Utamanè bersih. Jan nek tempat plesiran ora bersih, priwe wong arep menikmatiè ? Pamandangan wis maen tapi mambu bacin atawa akeh runtah, kan ra penak banget mbok?! Soal kebersihan gue memang mandan angel diterapna nang lingkunganè dewek. Sebabè apa? Kurang sadar lingkungan utamanè. Jan wingi, enyong nyekseni dewek nang segara Widarapayung karo Srandil gue jan bersihè ora lumrah. Runtah plastik nyebar nang endi ora. Ya nang pesisir, ya nang dalan, ya nang endi-endi. Pokokè ra peta banget. Kudunè wong tempat plesiran ya bersih. Sing plesiran kudu sadar yen runtah gue nyebabna penyakit, ngurangi keindahan, ora menaki, tur mambu.
Loro-loro pesisir guwe memang ra nduwe tukang mbersihi, tapi masa iya hasil adol tiket ra dienggo mbayar tukang kebersihan. Malah sing lewih parah saking ra ana tukang kebersihan, digawekna blumbangan khusus runtah jan padahal akeh-akehè runtah plastik sing angel diuraina nang alam. Nek jarku ya pemerintah kabupaten kudu bisa nyediakna tempat runtah dewek sekalian nyediakna petugas kebersihan dewek, khusus pesisir.
Jan, njelehi banget nek mlebu pesisir tapi akeh wong sing nariki tiket ilegal. Embuh wis diatur pemerintah apa urung keloro pesisir gue. Nyatanè akeh wong sing dirugikna kerna tukang tiket sing sering narik duit sekarep-karepè dewek. Utamanè nang Srandil, tempat parkir go mobil atawa motor gue larangè ora lumrah padahal pengunjung ora akeh-akeh nemen. Selain tiket sing mahal, akeh-akehè tiket dijual terpisah khususè mlebu alas gunung selok sing reganè lumayan juga, bar mlebu meng alas, arep mlebu gardu pandang mbayar maning. Jan keakehan mbayar.
 |
| Njaring Iwak |
Lumayan ana trik men ra usah akeh mbayar utamanè nang segara Widarapayung. Trikè yague nek nganggo motor aja heleman, pakean sing sante, utamakna plat nomor motor letter R, trio gue men ndarani wong kono/lokal. Ana siji cara liannè yague lewat dalan sebelah wetan alias gerbang sekunder. Pokokè aja wani-wani tuk gerbang utama pasti dijaluki tiket.
Ya wis gue bae krtitikan enyong. Ya semoga ana pengaturan sing nggenah men aja gawe trik-trik mlebu gratis Kaya enyong. Aja kelalen mbuang runtah nang tempat sing wis disediakna nek ra ana tempat runtah ya gawa balik runtahè
Komentar