Di selat Malaka di ujung Sumatra
Dua hati kita satu dalam cinta
Di selat Malaka di ujung Sumatra
Cintapun terpisah ku merana
Dua hati kita satu dalam cinta
Di selat Malaka di ujung Sumatra
Cintapun terpisah ku merana
Lirik lagu Hati Siapa Tak Luka
Duweke penyanyi Popi Mercury ora pernah bisa ilang nang ingetanku memang lagu gie sing disenengi nang Yayuku pas Ényong ésih cilik tiap dina nyetel lagu - lagune Popi Mercury, Nike Ardilla lan penyanyi Rockslow lainné. Lagu sing memang bener - bener jero banget maknané Ényong sing ésih cilik ge sampeka terinspirasi pengin lunga plesiran meng selat Malaka (Malesia) lan ujung Sumatra (Aceh) kerna lirik lagu sing apik Ényong percaya nek sing gawe lagu memang seneng mbanget meng selat Malaka lan ujung Sumatra sing indah lan akeh cerita sing berkesan.
Butuh wektu akeh ndadhikna inspirasi plesiran meng Ujung Sumatra lan Malaka dadi kenyataan. Awal mula kang ajakan ibu Fadlun batir backpacker sing paling akeh pengalaman nang dunya plesiran. Deweké ngajak plesiran bareng meng Kuala Lumpur - Malesia lan Aceh ana 7 wong sing diajak termasuk Ényong, Bu Fadlun, Mbak Fenty, Mbak Dewi, Mbak Esti, Agung lan Abe. Sakabehan kanca wis pada kenal selain Agung karo Abe tapi nek Abe jenengané wis familiar soalé cokan diomong/diceritakna nang Chairul (batir kerja). Tetep rame diskusi nang WA Messenger walaupun urung pernah ketemu langsung.
Wektu ora meneng bae nang siji pandum suwe - Suwe wektu sing enteni teka dewek. Setu tanggal 6 Februari 2016 sing dienteni wis mentu kaya tamu sing digandrungi teka. Seurungé mangkat meng bandara kerja lewih utama walaupun kur setengah dina setengeh maning diterusna nang kancané dina setu cukup kur wong siji tok sing jaga. Mentu kerja jam 12 awan lumayan ana wektu 4 jam go turu awan, ngumbaih klambi lan beres - beres apa sing arep digawa dimaklumi bae ket gemien Ényong senen dadakan terus. Wedhi mbokan macet kerna memang lagi prei (perè = free) ditambah taun baru cina jam 4 sore bar sembayang Asyar langsung lunga meng terminal Kayu Ringin sing memang terminal kusus go Damri meng bandara. Mandan bingung ngoleti angkot sing bisa meng terminal damri wis bingung lan udan gedhe karo ngirit wektu lan duit sidané mudun nang stasiun listrik Bekasi dilanjutna mlaku tekan kantor walikota Bekasi kerna memang macet parah lan langka angkot sing meng arah Jakarta. Gutul terminal langsung bae ngoleti loket karcis kur mbayar 45.000 rupiah sekang Bekasi meng bandara internasional Soekarno Hatta nang Tangerang. Sing dikhawarna macet alhamdulillah ora ana babar blas tapi memang ana macet tapi meng arah sewaliké (arah Jawa Tengah) jam 6:45 sore wis gutul terminal 2D.
Terminal 2D Bandara Soekarno Hatta - Tangerang sing dadi tempat kumpul sedulur kabeh sing arep plesiran meng Malesia lan Aceh lumayan amba lan apik mandan gumun soalé bandara kaya ésih mandan traditional tapi memang dadhi ciri khasé Indonesia. Agung karo mbak Esti salah mudun nang terminal penerbangan domestik, terminal 1D padahal wis jelas - jelas nang Ényong tek wei reti mudun nang terminal 2D sidané nang Ényong tek telpon nganggo aplikasi WA let 30 menit Agung karo mbak Esti teka sekalian kenalan karo sing jenengané Agung. Wis ketemuan lan kenalan karo sekabehan batir ora ana batasané batir anyar apa batir suwe pokoké pada - pada someah akhiré sekang bandara Soekarno Hatta tekan Malesia ora meneng - meneng golé ngomong pokoké kaya manuk ciblèk bae ngoceh terus.
KLIA2 bandara kusus go LCC (low cost carrier) bandara ke 2 Kuala Lumpur sing modern tur apik sing kusus go maskapai murah kang sakabeh negara. Ngejog langsung meng imigrasi go ulih cap imigrasi mlebu Malesia secara legal. Wis wengi memang pas mlebu meng Malesia nek jere wektu Indonesia sih jam 11 tapi nek wektu Malesia jam 12 wengi beda sejam tok kerna masalah politik lan ekonomi senajan wilayah Indonesia karo Malesia sejajar garis wektuné. Abe kanca sing wis nunggu nang KLIA2 Deweké memang wis lunga gipitan (deweké mandan anti nunggang kapal sing ana gambar singané) dadhi lunga ket awal nganggo maskapai jenengan benua.
Ketinggalan bis meng Malaka sing terakhir dadhi sanksi sakabehan kanca kerna suwe nang imigrasi ora mikir suwe lempuruk turu nang karpet sading hiasan imlek. Turu seenaké turu tekan jam 5 wektu Malesia wis digugah nang pegawé bandara. Sembayang Subuh jam 6:10 ra keburu dadhiné sembayang jam 6:00 pas kerna diburu nang bis Malaka sing memang wis siap jam 06:15.........
Malaka
 |
| Arah jarum jam : Dewi, Bu Fadlun, Esti, Fenty lan Ibdisch |
Komentar