November 2015 wulan sing paling full plesiran nang uripku dewek. Tiap minggu plesiran terus sampe mabok. Alhamdulillah plesiran langka sing ntek tekan juta - jutaan. Paling pol ntek 500.000 tok, gue ge lumayan adoh mbanget plesirané lan puas.
Siki Ényong arep nyeritakna pengalamanku nang pulau Onrust, pulau cilik nang Kepulauan Seribu Jakarta. Ényong mangkat meng pulau gie karo sepupuku Ikhsan Juliono lan karo kancané deweké sebeneré uga lunga meng nganah karo kanca backpacker Ibu Fadlun (Master Emak Travelling). Sekitar 40 wong sing mengganah bareng.
Kur enthek Rp 130.000 tok go meng pulau Onrust, Cipir lan pulau Kelor, murah tenan kan??!!! Pestiné murah mbanget yah. Kepriwe sih lan apa istimewané pulau Onrust gie Ang Uyo??? Monggo diwaca terus sampe tutug.
 |
| Salah siji kuburan Belanda nang pulau Onrust - Kepulauan Seribu |
Pulau Onrust sing jaraké 14 Km kang daratan Pulau Jawa (Jakarta). Gmienné pulau Onrust gedhené sekitar 12 hektar siki mung kur 7,5 hektar tok kayaning krono abrasi dadhiné ngilang sipet - sipet. Alhamdulillah siki pinggir - pinggir pulau pada ditembok soalé mbokan pulaué ngilang kerna kelelep banyu laut. Sejarahé pulau gie diwekna Pangeran Jayakarta meng VOC Belanda go tempat bengkel kapal laut. Taun 1613 VOC mulai ngawe bengkel kapal laut nang pulau gie seterusé Jendral Belanda Jean Peter Coen ndadhikna pulau gie dadi tempat pertahanan go nglawan Kesultanan Banten karo Kerajaan Inggris.
Pulau gie dibangun benteng nang Belanda taun 1656 kur bentengé cilik nah taun 1671 benteng digedheni maning. Selain tempat pertahanan Belanda pulau Onrust uga didadikna tempat go nyimpen rempah - rempah sing arep dikirim meng Eropa. Taun 1695 pulau Onrust dadhi tempat pertahanan sing paling kuat lab tempat barang - barang sing paling maen nduweké VOC.
Onrust uga pernah diancurna krena perang karo Inggris. Nembe taun 1848 dibangun maning go tempat barang - barang maning tapi ora suwe pulau Onrust ancur maning taun 1883 kerna gelombang tidal pas gunung Krakatau mletus. Maning - maning pemerentah Belanda ndadhikna pulau Onrust gie tempat penting yague tempat go pengamatan cuaca.
Sejarah kaji (haji) nang Indonesia ora ucul kang pulau Onrust soalé taun 1911 pulau gie tempat karantina wong sing arep munggah kaji. Pulau Onrust diubah maning fungsiné dadhi penjara pas taun 1940. Pas jaman Jepang pulau gie dadi penjara go wong sing nglakokna kasus kriminal kelas abot.
Sejarah Onrust ora kur tekan jaman Jepang tok tapi jaman pas merdeka uga. Sak uwisé Indonesia merdeka pulau gie didadikna Rumah Sakit Karantina go wong sing duwe penyakit sing nular. Taun 1960 - 1965 didadikna tempat glandangan lan pengemis. Taun 1970 dadi taun terakhir cerita Onrust soalé taun 1970 Onrust segala bangunan dibongkar sampe rata karo lemah.
Nang kene uga ana kuburan Belanda lumayan akeh kira - kira ana 15 wong sing dikubur nang kene. Kuburan Islam uga ana mung ketoné kur sipet. Nek disimpulna pulau Onrust gie pulau kejayaan pemerentah Belanda.
Ana monumen kincir angin Belanda nang pulau gie kur cilik. Kincir gie pas mbanget pedhek karo dermaga. Warung panganan wis disediakna nang pulau gie arep nginum apa arep madang kur tinggal mbayar. Sayang pisan pulau gie mandan akeh runtahé dadhiné mandan elek dideleng.
Komentar