Plesiran JogKlaSo #6

Balik Yogyakarta

Sepur disel Prameks ana jam 2 alhamdulillah ana wektu leyeh - leyeh klekoran nang peron plus ngecas hendpon sing dadi petunjuk utama plesiran. Ana 30 menit nunggu sepur. Karo mangan roti gabes - gabes ra nggenah sing regané larang mbanget madan nyesel tuku roti sing ora ana kualitasé tapi didol larang. Ora let suwe sepur teka langsung bae mlebu gerbong sepur.

Tegang lan bingung pas ditarik karcis sepur kelalen ngesogna nang ndi mbuh nang Ényong apa nang Rylo,  tukang karcis wis madan kesel mbok yah langsung ditinggal dadhi sing nagih karcis pak satpam. Isin mbanget kaya wong tersangka sing lagi ketangkap basah penjahat banget lah ceritané. Jarku tiket kaya nang sepur listrik nang Jabodetabek eh rengané beda!!  Untung bae karcis orang diguwang. Alhamdulillah ketemu nang tas ciliké Rylo. Jan wis dag - dig - dug mbanget koh.

Jarum jam: Dediansyah, Rylo, Ibdisch, Tenddy Nugraha, X,X, Andang,X,X

Jog Stasiun Tugu Yogyakarta madan bingung tujuan lan nginep nang endi akhiré Ényong kontak kanca edek tapi kanca edek nang dunia media sosial internet instagram lan facebook. Alhamdulillah deweké gelem nampung. Lewih kang 3 jam nang Stasiun Tugu Yogyakarta kur adon ngecas hendpon karo sembayang Asyar. Bar rampung ngecas hendpon langsung metu stasiun ngoleti panganan sing murah madan bingung madang karo apa sing murah tapi wareg akhiré meng lesehan pinggir dalan Malioboro (sebeneré salah sasaran malah lewih mahal). Enthek lewih kang 50.000 kur karo jangan kangkung,  sambel, tempe karo tahu.

Batir sing luar biasa lan akeh kasih sayangé Kang Tenddy Nugraha si Ki Sunda sing lagi ngoleti ilmu nang tanah Jawa. Ényong sms deweké arep ketemuan nang endi arep nang kosan apa arep nang aula UGM (deweké arep pentas karinding). Sepakat ketemuan nang UGM bar magrib.

Mangkat nganggo bus Transjogja sing murah meriah meng kampus UGM sing lumayan adoh kang wilayah Malioboro. Kringet, mambu bacin awak ora peduli mbuh bacin apa ora sing penting lunga ketemuan bisa turu lan gabung karo Kang Tenddy. Golethi aula ra ketemu - ketemu takon terus takon sampe ketemu, karo nunggu suwe WA Messenger kang Ki Sunda Tenddy medang lan leyeh - leyeh maning nang prapatan UGM sing edek tukang angkringan. Madang sega kucing,  jahe anget lan gorengan alhamdulillah wareg lan nikmat mbanget ora ketulungan.

Ana 3 jam nunggu akhiré ketemu karo Rombongan Kang Tenddy!!!  Alhamdulillah. Kenalan wis ora kaya wong nembe kenalan tapi kaya dulur suwe sing nembe ketemu maning. Jan wongè someah mbanget kagum dadhi aring seduluran gie. Pentas mandan suwe rengané yah soalé pentas karinding dijadwalna nang akhir acara.

Pentas karinding dimulai nang ruangan Ényong dadhi juru potoné alhamdulillah bisa nyekseni mahakarya bocah - bocah Galuh Ciamis melu bangga soalé Ényong dewek wong Galuh Ciamis kur wong Jawa. Jam 11 pentas rampung balik meng asrama galuh kur mandan bingung soalé pada nganggo motor sedangkan Dewek wong 3 dadhiné kon nunggu dijemput.

Klekoran nang Prapatan UGM sampe tekan jam 1 dijemput tekan panggonané Kang Tenddy nang asrama Galuh (asrama khusus mahasiswa kang Ciamis). Langsung bae turu ngleker soalé memang bener - bener plesiran luar biasa. Tangi jam 7 rengané!!!  Ngoleti Kang Tenddy arep pamitan pindah tempat maning digoleti mengendi ora ternyata lagi ngerjakna tugas kuliah nang enggoné kancané. Akhiré pamitan nang WA Messenger.

Mlaku Gua Pindul - Segara Indrayanti