Ngleker
Bener - bener turu sing berkualitas sampe - sampe tangi jam 06:30 isuk. Sembayang Subuh ketinggalan adoh tapi ora apa - apa sing penting ésih sembayang. Adus sebersih - bersiéh adus, wis rampung adus kabeh mentu kamar wis ana rong porsi cilik sega goreng. Alhamdulillah rong porsi cilik bisa ngewaregna wetengé bocah telu.
Jam 7 isuk langsung lunga maning njelajah kota Surakarta Hadiningrat. Tujuan pertama sing edek karo hotel ya gue keraton Mangkunegaran. Kur ngawa tas cilik karo kamera KONKON D3200 karo bekel duit seanané lan hendpon sing go dadhi petunjuk sing jujur. HERE MAP dadhi aplikasi paling penting nang plesiran nang Surakarta soalé dewek mlaku terus keliling kota.
Mangkunegaran
Sepanjang dalan lumayan rame bocah - bocah SD sing agi digawa nang guruné kon olahraga "mlayu". Jog keraton Mangkunegaran langsung mlebu meng njero sing sebeneré ésih tutup. Alhamdulillah bapak penjaga keraton ngizini Dewek mlebu gratis. Nang njero Dewek ora ulih mlebu meng njero - njero ruang keraton nang bapaké. Dadhi kur dolan lan poto - poto nang njaba tok tapi alhamdulillah bisa mlebu gratis lan bisa nyekseni mahakarya keraton Mangkunegaran sing maené pol. Wis puas lunga maning meng tujuan sing edek yague pasar antik Triwindu.
 |
| Nini ngantuk nang becak |
Triwindu
Pasar barang - barang antik sing wis diberesna bangunané nang walikota bapak Joko Widodo. Ésih esuk mbanget golé meng pasar Triwindu dadhi kur ana sipet pedagang lan pengunjung lainné. Sakabeh barang antik ana nang kono kaya topeng - topeng tua, kipas angin kayu, setrika areng, patung - patung tua lan barang antik lainné. Terkesima mbanget maring budaya Indonesia sing kaya seni budaya. Pasar Triwindu rapih mbanget ana rong lantai pasar gie terus nyambung maning meng mburiné ketoné mah kang njaba madan cilik. Puas karo pasar Triwindu siki lunga maning meng kampung Batik Kauman.
Kampung Batik Kauman
Gumun memang gumun beda karo kita lainné sing pernah Ényong dolani, trotoar nang Solo lewih rapih karo lewih gedhe ketimbang trotoar nang kota - kota lainné. Mlebu meng Kampung Batik Kauman langsung gumun meng perkampungan gie soalé rapih lan bersih. Ana sing gumun karo pengumuman nang setiap komplek umah misalé "pemulung tidak boleh masuk" mbuh apa alasané. Gaya perumahan mirip kaya kampung - kampung peninggalan Belanda. Tiap umah nyediakna batik - batik ana uga sing adol panganan. Ora mampir suwe nang kampung gie langsung diterusna meng pasar Klewer karo Keraton Surakarta.
Pasar Klewer lan Keraton Surakarta
Pasar Klewer ternyata lagi dibangun maning dadhi ora mungkin meng pasar Klewer dadhi kur meng pasar Klewer darurat nang ngarep keraton (alun-alun). Panas memang hewané kota Solo gie akhiré tuku cendol nang pinggir dalan edhek mesjid raya Surakarta Hadiningrat. Tes nyeger karo cendol langsung bae mlaku maning meng Keraton Surakarta sing edhek banget. Ora mlebu njero kur ndleng - ndleng thok nang njaba wis puas lunga maning meng Pasar Darurat Klewer sing nang alun - alun Keraton.
Festival Kreaso lan Festival Keroncong
Ora bosen mlaku siki lunga maning meng dalan utama kota Surakarta yague dalan Slamet Riyadhi. Tujuan utama sebeneré meng festival Keroncong sing ana nang benteng Vrendenbergh. Tekan benteng Vrendenbergh ternyata kur ana festival Kreaso sing mamerna karya - karya siswa - siswi sekolah tingkat SD, SMP lan SMA ora nyesel melu meng festival gie soalé bisa ngrasakna roti tart bahan kang endog keong sawah (rasané amis mbanget) terus mangan sing aneh - aneh. Luar biasa memang kreasiné bocah - bocah sekolah. Ana sing lucu pas agi mlaku meng festival keroncong ana sekelompok bocah wedhon sing nganggo seragam SMP njaluk dipoto bareng (wanian yah bocah wedhon siki). Memang rata - rata ayu kabeh. Mandan nyesel pas meng festival keroncong soalé kur ana wengi tok dadhiné kur bisa poto - poto thok nang tempat festival (kantor walikota). Wektu wis mandan awan sekitar jam 11 awan mesti balik maning meng hotel soalé kudu chek out.
Sikil rasané mbuh kaya apa tapi ésih tetep semangat go explore Yogyakarta! Siap - siap pindah kota maning balik meng Yogyakarta! Tunggu maning ceritané nang episode ke 6.
Komentar