Wareg madang langsung rembugan soal destinasi pertama. Ényong sing paling tua diutus langsung kon milih destinasi sing paling maen lan tren nang wilayah Ngayogyakarta lan Surakarta Hadiningrat. Plesiran gie janjanéh morak - marik mbanget soalé ora duwe susunan acara itinerary dadhi kur sekarepé dewek lan sekepenaké para anggota plesiran.
Kompleks Candi Prambanan sing dituju awal soalé paling edhek dewek karo stasiun Lempuyangan. Kerna ora apal dalan - dalan lan fasilitas transportasi nang daerah Jogja dadhiné sering takon. Alhamdulillah sakabeh wong sing ditakoni maen kabeh ora ana sing nglombo biasané pengalamanku nang Jakarta akeh banget sing nglombo nek dewek takon dalan atawa tempat sing arep dituju nang dewek. Kur mlaku kurang lewih 10 menitan jog tekan halte bus Transjogja, nang Jogja ora ana angkot apa elf tapi anaké taxi karo bus Transjogja mandan mirip karo TransJakarta alias Busway tapi nek jere aku lewih sederhana Transjogja kertu duit elektrik mandan ora populer nang kene nek soal rega karcis sih padha murah.
Mandan suwe memang kang Lempuyangan tekan meng terminal Prambanan kira - kira 20-30 menitan. Bar jog tekan terminal langsung mlaku meng pintu gerbang utama candi Prambanan sing kira - kira 100 meteran lah. Tuku karcis mlebu kompleks candi Prambanan karo candi Ratu Boko kur Rp 50.000 nek ora salah (mandan kelalen) intené semenó regané termasuk transport kang Prambanan meng Ratu Boko. Tes njaluk brosur tentang candi Prambanan langsung ngantri meng halte elf sing arep ngawa wisatawan meng Ratu Boko.
 |
| Jurus selendang sakti nang candi Ratu Boko |
Lewih kang 15 menit nganggo elf meng kompleks Ratu Boko lumayan adoh sebeneré kang Prambanan. Ratu Boko gie nang daerah bukit - bukit sing akeh watu kapur. Kompleks candi beda karo candi - candi sing liané kerna memang urung ketemu kabeh sumber cerita karo kepriwe arsitektur asliné. Memang kompleké gedhe mbanget. Sing ditemokna nang Ényong sih candi kaya panggung amba, sumur - sumur tua, gerbang utama alias gapura sing memang dadhi icon Ratu Boko.
Ora ketinggalan poto - poto nang setiap candi lan sisi sing maen nang kompleks Ratu Boko gie ora kelalen men suasanané njawani tek setelna lagu khas jawa kang Mas Koko Tholé sing legendaris mbanget. Lewih kang 3 jam nang Ratu Boko sekalian madhang maning soalé lemes muter - muter terus ora diisi tenagané alhamdulillah sega bungkus nduweké Rylo ésih ana.
Prambanan
Ora suwe tekan Prambanan poto - poto maning nang latarè Prambanan. Mbuh kerna apa Ényong ngoleti mangsa go batir ngomong nang Prambanan. Ora kocap suwe ana bule sing takon ya wis langsung tek gawa dolan - dolan karo sipet - sipet tek jelasna apa sing ana nang Prambanan (ngajaran dadhi pemandu turis). Olli jenengané wong Inggris sing agi plesiran sekitar Asia sedurungé meng Indonesia deweké plesiran meng Malaysia karo Singapura jere tes kang Indonesia arep diterusna meng Hongkong. Wongè apik tenan deweké ngomong terus kaya Ényong. Rylo karo Zaenal dadhi langka ngomong karo Ényong kerna deweké ésih trensa karo basa Jawa lan Indonesia.
Nang kompleks candi Prambanan ternyata ora kur candi Prambanan thok ternyata ana candi - candi sing liané kaya candi Sewu, Candi Lumbung lan candi - candi liané. Sing paling unik gue candi Prambanan sing Hindu diuteri nang candi - candi Budha.
Ndleng Zaenal wis mandan lemes karna ra kuat panas deweké njaluk liren dadhiné Ényong karo Olli keliling maning meng candi Budha sing mandan mirip kaya candi Borobudur. Ora suwe ketemu maning karo Rylo lan Zaenal siki ngrencanakna pindah lokasi plesiran maning meng Surakarta atawa Solo. Diterusna maning nang episode selanjutnya (kaya sinengtron yah).....
Komentar