Tanggal 24 September 2015 dadi seksi lungané Ényong meng Kota Yogyakarta Hadiningrat. Rencana lunga plesiran meng Yogyakarta Hadiningrat sebeneré wis direncanakna ket sewulan seurungé mangkat meng nganah, awal kang omongan tetek mbengek Ényong, Rylo lan Zaenal nang BBM (Blackberry Messenger) dadi rencana plesiran sing luar biasa krena direncanakna plesiran nang Yogyakarta Hadiningrat seminggu. Wis sepakat akhiré Ényong njaluk cuti seminggu meng kantor, alhamdulillah diijinna. Ora suwe langsung meng toko Indoapril tuku karcis sepur karo karcis motor mabur. Jan angel mbanget pas lagi mesen karcis sepur soalé jaringan interneté nang toko indoapril lelet lan kadang-kadang mati. Wis pindah toko indoapril 3 kali tapi ora bisa - bisa akhiré nyerah soalé wis males ngoleti toko indoapril sing ngedol tiket online. Memang sedurungé wis pesen tiket sepur karo motor mabur nang travelokek.com tapi pas pembayaran ora mlebu - mlebu dadhiné ngoleti meng toko indoapril.
Wengi - wengi rasa penasaran pesen tiket online ésih ana. Langsung bae lunga meng toko indoapril sing edek karo indekos. Indoapril sing pertama tetep ana gangguan bae nang jaringan internet ya wis Ényong lunga maning karo mandan kesuh aring dewek soalé ora ulih - ulih karcis. Ésih penasaran golé ngolet karcis siki pindah maning meng toko indoapril atawa alfasemar sing mandan adoh kang kosan, alfasemar ora duwe lan ora bisa pesen tiket motor mabur lan sepur dadhiné pindah meng indoapril sing nang ngarepé. Alhamdulillah nang indoapril bisa ulih karcis sepur tok, karcis motor mabur ora bisa.
 |
| email kang citilink |
Karcis sepur Bogowonto jurusan Stasiun Pasar Senen - Jakarta meng Stasiun Lempuyangan tertanggal 24 September 2015 mangkat jam 21:00 WIB tekan Stasiun Lempuyangan jam 07:00 WIB. Nah siki ésih mikirna go tiket motor mabur sing go balik meng Jakarta maning haduh bingung tenan soalé indoapril sing gie ora bisa lan ora adol karcis motor mabur. Ya wis takon bae aring pegawéné indoapril sing ayu mences - mences, jere deweké ana toko indoapril sing adol karcis motor mabur kur mandan adoh yague nang edek Stasiun Bekasi.
Ora akeh ngomong langsung bae nunggang pit meng Stasiun Bekasi kur 20 menit nganggo pit alhamdulillah jog nang Stasiun Bekasi belah lor, takon - takon aring wong sing nang kono tempat atawa lokasi indoapril sing paling edek alhamdulillah jere kur pirang langkah wis keton ndilalah bener ana. Langsung mlebu meng indoapril alhamdulillah ana mesin karcis tapi maning - maning mesiné rusak, hadeuh gedeg mbanget jan wis adoh - adoh mesin karcis mati akhiré takon maning toko indoapril sing edek tapi sing nduwéni mesin karcis motor mabur, pegawéné langsung aweh reti aring Ényong yen ana indoapril sing ana mesin karcis motor maburé nang sebelah kidul Stasiun.
Alhamdulillah nang indoapril sing nang kidul Stasiun Bekasi ana mesin karcis motor mabur lan bisa dipesen akhiré ulih karcis nang kono. Ényong njiot Citilink karo nomor penerbangan QG101 sekang Bandara Adi Sucipto jam 13:05 WIB tekan Bandara Halim Perdana Kusuma jam 14:20 WIB. Alhamdulillah ijin cuti karo tiket sepur karo motor mabur wis rampung urusané kur nunggu tanggalé tok.
Komentar