Wulan Oktober 2015 Ényong lunga meng Kota Bandung dolan meng batir backpacker Sing gemien plesiran bareng meng Pulau Pramuka - Kepulauan Seribu Jakarta. Gie sebeneré acara ketemuan go melepas rindu/temu kangen karo batir - batir backpacker sing nang Bandung. Ana wong 7 sing pada kumpul, kang Jakarta ana wong 2 termasuk Ényong sing liané tuan rumah alias wong Bandung. Bangga mbanget bisa meng Bandung maning soalé wis suwe mbanget ora dolan meng Bandung, gemien aku pernah manggon nang Bandung lewih kang sewulan. Rasané kaya lagi nostalgia jaman praktek kuliah gemien.
Sebeneré wis umum mbanget plesiran kur ndleng Gedung Sate tok tapi siki plesirané beda mbanget soalé ora kur ndleng Gedung Sate kang njaba tapi siki mlebu langsung meng njero Gedung sate lan ngrasakna langsung suasana wengi - wengi nang ndwur Gedung Sate. Ya wis siki dijelasna gisit apa gue Gedung Sate.
 |
| Ruang utama Gedong Sate - Bandung |
Gedung Sate (Gouvernements Bedvrijen) gedong sing digawe tanggal 27 Juli 1920 sing digawe nang Ir. J Geber arsitek Belanda lulusan universitas Delft. Gedong gie rampung pas taun 1924 dadi ngentekna 4 taun golé ngawe gedong gie. Gedung Sate gie ana nang dalan Diponegoro nomer 22 Kota Bandung. Sebeneré Gedung Sate gie mauné umahé perwakilan gubernur jenderal Batavia sing nang Bandung. Selain dadi umahé perwakilan gubernur jenderal Batavia gedung gie uga dadi kantor pos, perpustakaan karo tempat telegram pas jaman Belanda gemien. Siki Gedung Sate dadi kantor Gubernur Jawa Barat lan kantor pemerentahan Jawa Barat.
Ana 3 tingkat Gedung Sate gie. Lantai dasar ana main hall isiné yague ana tempat sing nerima tamu, ruangan gedhe nang tengah-tengah go mamerna bendera - bendera sakabeh kabupaten nang Jawa Barat. Pas lagi Ényong menganah sih ana boneka mascot go acara PON (Pekan Olahraga Nasional) sing arep dilakoni nang Jawa Barat. Nang lantai siji gie ana kantoré pak Gubernur lan wakilé selain gue go kantoré pak Sekretaris Daerah.
Nang Gedung Sate gie ora kur ana tangga tapi ana uga lift go meng lantai ndwur. Nang lantai 2 ana pameran atawa pajangan tentang kepriwe digawené Gedung Sate lan poto - poto sejarah Gedung Sate selain gue nang kono dipamerna profile sakabeh kabupaten sing nang Jawa Barat. Paling nduwur dewek ana tempat go leyeh - leyeh. Nang kene bisa weruh sakabeh pemandangan nang Bandung utamané ndleng jembatan sing terkenal nang Bandung. Ana uga alat musik sing go karokean atawa go orkesan. Jarené sih tempat gie go tamu - tamu Gubernur sing pengin nyantai.
Soal arsitektur Gedung Sate gie paling maen nang Indonesia jere sakabeh arsitek - arsitek kang luar negeri karo dalam negri. Ora bisa sakabeh wong bisa mlebu Gedung Sate gie. Wisatawan biasa ora bisa mlebu kecuali ndleng nang ngarep Gedung Sate. Alhamdulillah Ényong bisa mlebu meng njero karna ana duluré kanca backpacker, Ang Bunyanum Marsus sing dadi staff keamanan nang Gedung sate gie. Jang bangga mbanget bisa dadi wong sing bisa mlebu meng Gedung Sate gie walaupun udu dadi tamu resmi.
Komentar