Weteng wis moni krayak - kruyuk bae jan tanda kudu golethi panganan. Pecel dadhi pilihan go madhang regané murah tur bisa mbantu mbah - mbah sing dagang pecel. Ora isin - isin madang nang pinggir dalan gedhe apamaning klekaran jan wis mirip banget kaya wong musafir. Mbah sing dagang rasané kaya sing seneng mbanget dagangané dituku mandan rikuh uga soalé mbahé nambaih seplastik teh.
Jarku stasiun Brambanan edek eh rengané adoh itung - itung olahraga mlaku lewih kang 2 kilo ya lumayan go mbakar pecel sing wis dipangan mau. Tekan stasiun ternyata stasiun khusus barang asem rengané!! Mlaku maning meng dalan gedhe akhiré nyerah. Nyegat bis sing meng arah Klaten.
Kur bekel hendpon sing ana sambungan interneté tok karo takon meng wong nang dalan plesiran siki dadi ra gumun nek kesasar. Mlebu bis Rylo karo Zaenal kebagian kursi Ényong dewek milih edek supir. Kur mbayar 50.000 rupiah tok kang Prambanan meng Solo. Jog Klaten pikiran ku Rylo urung mbayar bis dadhiné Ényong mudun bis pengin ganti karo Sepur disel Prameks. Bocah loro pada bingung ko Ang Uyo mudun padahal urung tekan Solo. Wis mudun kabeh Ényong takon aring Rylo "mau mbayar bis pira? Seket ewu" klenger langsung duit mubah (jarku rung mbayar penuh). Pelajaran pertama kurang kompak karo komunikasi terbatas.
Eneg mbanget rasané jan duit ilang kerna ego lan pikiran sing kabur. Tapi ya ora apa bisa plesiran ndleng - ndleng keanaan Kota Klaten (dadhi bisa dolan meng Klaten). Mlaku sedhela wis jog Stasiun Klaten ora suwe - Suwe langsung bae tuku tiket sepur Prameks. Kesalahan keloro (2) muncul ora takon jadwal sepur sing mangkat padahal dewek ngejar wektu go ndleng pentas wayang wong Sriwedari nek ora keroncong festival. Karcis wis dituku nembe takon sepur teka lab mangkaté jam pira. Sepur ana jam 06:30 sore!!!.
 |
| Pasar antik triwindu - Surakarta |
Ana untungé ya ana ruginé, untungé ya bisa dolan meng Klaten lan bisa leyeh - leyeh nang Stasiun Klaten lan bisa ngecas hendpon sing wis arep mati. Lumayan leyeh - leyeh klekoran nang peron ket jam 03:30 sore tekan jam 06:30 sore bisa sembahyang ya bisa ngapa - ngapa kur khawatir tekan Solo wengi mbanget.
Sepur wis teka! Ora kesuwen langsung mangkat meng arah Solo. Sekalian mernahna Rylo karo Zaenal numpang sepur disel Prameks kan jere wong loro gue rung pernah nunggang sepur disel. Suwe ternyata ana lewih kang 1,5 jam kayaning wektu tempuh Klaten - Surakarta (Solo Balapan). Ora ngilangna kesempatan go takon aring wong sebelah si mas gagah karo ibuné sing ayu lan someah, Ényong takon penginapan sing murah deweké njawab ana tapi mandan elek lan edhek tempat lokalisasi alias tempat lonte lacur. Jarku ya ora apa - apa asal aja melu nglacur ya hahahaha bahaya!!!.
Sugeng rawuh ing Surakarta!!! Akhiré tekan Solo. Ndleng dompet wis kepepet mbanget duit ora ana sing biru karo abang sidané mlebu meng ruangan adem tempat duit, ATM. Njiot 500K tok Insyaallah cukup.
Akeh sing nawari taxi, becak ya ojek. Ényong ora gelem soalé larang duit ora akeh. Ana setengah jam mikir akhiré mlaku adoh mbanget tekan tugu Pers sampe akhiré medhang nang angkringan tuku jahe anget karo gorengan sekalian takon - takon hotel karo acara - acara sing ana nang Solo.
Wis mandan tiyel sebeneré sikil tapi semangat ésih ana dadhi lanjut mlaku maning meng arah Sriwedari. Lumayan rame soalé malam minggu akeh sing padha pawéi karo pit dadhi mandan angél golé nyebrang dalan. Jog Sriwedari madan kecewa ternyata acara ra ana. Wis madan pusing arep nerusna meng festival keroncong tapi sikil wis tiyel banget awak mambu ula rangon maning. Ényong sing dadi pemimpin kudu njiot keputusan akhiré ngoleti hotel modal hendpon. Ngoleti sing murah tur edek madan bingung antara pilihan kang internet apa kang mas mas sing adol jahe anget mau yah. Mlaku terus sampe tekan tugu Pers mau.
Takon sewani - waniné aring wong wedhon sing lagi maca koran tempel nang tugu Pers. Wong wadhoné pakean ora seksi - seksi banget kur mandan mringani soalé deweké wong wedhon tapi ko wengi - wengi banget ésih klayaban. Pas takon soal hotel deweké njelasna sakabeh - kabeh hotel sing ana nang sekitar Banjarsari tapi ana sing aneh maning kang wong wedhon gue, deweké njelasna sakabeh hotel sakabeh fasilitas karo kebersihanné. Ényong mending mringani maning masa iya ana wong wedhon wengi - wengi klayaban terus ngerti sakabeh kabeh hotel karo njero - njeroné. Langsung mblencir bae wedhi mbok diremeg - remeg nek ora dikapak - kapakna hahahaha.
Melu saran kang mbak yu sing lagi maca koran tempel nang tugu Pers. Akhiré ulih hotel sing murah kur 80.000 sewengi ditambah breakfast 2 porsi sega goreng. Lokasi hotel ora adoh kang tugu Pers kur 200 meteran. Chek in langsung mlebu kamar beres - beres adus langsung turu. Ya cekak cekikikan gipi karo cerita sepanjang perjalanan mau.
Turu ngleker
Komentar