Tiap tahun mesti nek ora pindo (2) ya ping siji (1) golé panen pari nang Kubangpari. Ana kebiasaan unik nang Kubangpari pas musim panen pari ora kur wong Jawa tok tapi wong Sunda sing paling tek perhatikna soalé budayané unik lan maen.
Panen pari ora segampang siki soalé nek siki nganggo mesin nek gemien nganggo alat-alat traditional kaya kepyokan, irigan, ani - ani (pisau panen padi), lan alat-alat traditional lainné. Nek gemien pas Ényong cilik ésih ana sing panen nganggo ani-ani. Ya wis siki apa budaya wong Jawa karo wong Sunda pas lagi panen pari.
Wong Sunda
Pas panen pari wong Sunda ora kur wong sing duwe tok sing ngerjakna panenan (sing maneni) tapi kira - kira ana 5 - 10 wong sing ngerjakna panenan. Dadi kur sedina tok rampung (nek sawahé kur 100 bata). Wong Sunda sing kang gunung nek arep meng sawah dandan ayu gipi soalé sekalian belanja nang pasar Pamarican. Gawan sanguné akeh ora kur sega karo janganan tapi ana manggis apa dukuh nek ora buah-buahan sing lagi musim, biasané ngawa lawuh iwak grameh, jaer lan iwak - iwak balong liané ora kelalen ngawa cowelan (lalaban) karo sambel trasi. Enyong sing paling seneng aring wong Sunda sing lagi panen yague awehan wongé terus seneng ngringokna omongané soalé omongané kaya wong lagi nyanyi soalé ana nadané, pokoké beda karo Sunda lainné. Tiap wong Sunda nduwéni gubug dewek.
Wong Jawa
Nek wong Jawa sing panen biasané wong sing nyeblok (ngurusi) atawa sing ngarap sawah ya paling kur 1-3 wong kur suwe golé maneni biasané 2-4 dina rampung. Wong Jawa biasané ra duwe gubugan soalé umah karo sawah edek dadi wis ra perlu. Pangan wong Jawa ora werna - werna paling kur sega karo.lawuh sederhana (tahu, tempe karo janganan). Biasané wong Jawa ra akeh omong kur cokané melung - melung (teriak). Nang musim panen kaya gie wong Jawa karo wong Sunda nyampur guyub pokoké indah banget suasanané.
 |
| Wong Sunda Sidamulih - Pamarican lagi panen pari |
Komentar