Apes ra ana sing ngerti rejeki sing arep diterimagé ora ana sing ngerti. Sakabeh sing ésih gaib gue urusan Maha Gusti Allah.
Seminggu sedurungé mangkat plesiran meng Yogyakarta Hadiningrat Ényong kena ujian mriang. Ora disangka pas lagi pit - pitan jam 3 sore dada kiwe larané ngepol padahal nembe 300 meter golé ngepit mbatin ku ora nengapa - negapa dadané ya nang Ényong tek terusna maning ngepité tekan 8 kilometer. Seadohé dalan dada ésih kerasa lara banget kaya angin duduk/serangan jantung.
Jog tekan indekos dada ésih lara mbanget sampe nang kantor uga ésih lara sampe tekan 4 dina nang aku tek tahan ujarku ya anu penyakit biasa kaya myalgia nek ora muscle spasm tapi nek dirasakna madan beda soalé kaya ana suara angin nang njero dada. Anginé kaya mlayu - mlayu nang njero dada, nek miring pindah miring maning pindah. Jan aku penasaran mbanget apa gie penyakitku yah. Dina setu isuk Ényong langsung meng rumah sakit Siloam Hospitals . Nang kana langsung diperiksa nang dokter. Dokter sing pertama jere kur myalgia thok nah dokter sing ke loro ésih penasaran sidané Ényong dirongsen akhiré Ényong kena pecah paru-paru!!!!!!!!!
Jal sapa sing ora wedhi paru-paruné pecah??? Ényong wis lilahita'ala urip mati Gusti Allah sing duwe. Paru - paruné bocor krena silem nang laut lewih kang 5 meter langsung njembual meng nduwur dadhiné ana dekompresi udara. Ulih 6 dina nang rumah sakit.
Tanggal 21 September 2015 akhiré Ényong mentu rumah sakit. Rasa lara nang njero dada sebeneré ésih ana lan madan kleyengan. Kena asap langsung cengèp - cengèp ra bisa ambekan normal. Istirahat kang dokter mung kur 3 dina sampe Idul Adha.
 |
| Sepur Bogowonto nembe jog stasiun Lempuyangan |
Bar sembahyang asar pas dina Idul adha langsung lunga meng enggoné bibiné (bu le) sekaligus lunga meng Stasiun Pasar Senen. Nang Umahé Bibi nang kana nyaté iwak Sapi gipi soalé bibiné melu arisan kurban sapi alhamdulillah enak banget satené kon digawa tapi Ényong males banget. Sebeneré Ényong nglombo meng Bibi soal plesiran meng Yogyakarta Hadiningrat nek ora nglombo dadi ora mangkat soalé ésih mriang dadi ora ulih lunga - lunga.
Jam 8 wengi ngejog Stasiun Pasar Senen siki kur nunggu boarding pass sekitar 45 menit maning. Stasiun Pasar Senen lumayan rame mbanget soalé wong - wong arep pada balik meng Jawa go ngrayakna Idul Adha.
Boarding pass mandan kesel aring awaké dewek soalé KTP kelalen disogna ndi tapi sebeneré wis percaya yen KTP wis disogna tas. Kebingungan KTP urung ketemu - ketemu dibongkar sakabeh tas ora ketemu - ketemu uga. Tapi alhamdulillah aku nduwéni KTP lawas dadhiné bisa boarding pass.
Sepur lumayan sesek akeh wong soalé lagi musim liburan Ényong njagong nang gerbong ke 2 nomor bangku 32 B. Akhiré KTP ketemu ternyata nang dompet tapi ketutup foto hehehehe alhamdulillah. Khawatir mbanget soalé ngko bermasalah nek boarding pass nang Bandara.
Tepat jam 9 wengi sepur Bogowonto mangkat meng Yogyakarta Hadiningrat. Selama nang njero sepur ya sipet - sipet ngomong tetek mbengek karo tangga sing nang ngarepé lan punggiré nek ora Bbm karo Rylo lan Zaenal sing langi mangkat meng Yogyakarta Hadiningrat nganggo bus.
Jam setengah 6 jog tekan Kulon Progo alhamdulillah. Momen paling jero banget pas nang sepur diputerna lagu Yogyakarta kang KLA PROJECT alias Katon Bahaskara. Lagu gie disetel sepanjang Kulon Progo tekan Stasiun Tugu. Pas nang Stasiun Lempuyangan laguné disetop. Sepur Bogowonto alhamdulillah ora telat golé teka meng Yogyakarta Hadiningrat.
Jam 7 pas tekan Stasiun Lempuyangan tetep komunikasi karo Rylo lan Zaenal. Kur nunggu 30 menitan akhiré ketemu nang ngarep Stasiun. Seuwisé ketemu langsung pada madang nang jero Stasiun alhamdulillah Rylo ngawa sega buntel godhong gedhang ana 4 bungkus sega ésih seger lan enak walaupun wis arep sedina. Ora kelalen deweké ngawa lawuh daging kurban.
Bar sarapan langsung mangkat meng destinasi - destinasi sing arep dituju.......... Prambanan - Klaten - Solo
Komentar